الأحد، 12 يوليو 2009

sorry!!


السلام عليكم
بجد و الله مش عارفة أبدأ منين
بس أنا فعلا آسفة جدااااااااا ...أنا فعلا مقصرة جداااااااا في حق البلوج ده و في حقكم كلكم
بس بجد ماشاء الله عليكم رغم كل اللي بعمله فيكم ده لسه بتسألوا علي
أصلا أنا لو كنت مكانكم مكنش حعبرني خااااااااالص
بس بجد متشكرة كتييييييييييير ...
أنا فعلا محستش بالخنقة اللي بسببهالكم
غير من يسر ..كل شوية أقعد أقولها مش معقول كده بجد خلي عندك شوية دم ...و أكتبي علي البلوج أي حاجة ...هو مش في ناس بتقرالك ..حرام عليكي لازم تهتمي بيهم شوية ...بس واضح جداااااا إني كان المفروض أقول الكلام ده لنفسي قبل مأقولهولها
بس بجد خلاص كده ...أتا من اللحظة ده ...حبقي سلمي جديدة خالص غير سلمي المملة القديمة
حبقي واحدة تانية خالص ...بجد و عد إن شاء الله مش هذار ...سلمي الجديدة حتنزل بوست علي الأقل كل أسبوع
معلش أستحملوني شوية كمان و بجد بوعدكم مش حعمل كده فيكم تاني خااااااااااااااالص
تحياتي
سلمي الجديدة

هناك 28 تعليقًا:

جنّي يقول...

السلام عليكم

ولا يهمك ..

المهم انك رجتعي لنا بالسلامة ..

البلوجر نور من تاني ..

mohamed ghalia يقول...

حمدا لله على السلامة
نورتى بلوجر من جديد
فى إنتظارك دوما

promise is promise يقول...

حمدلله على السلامه

وبجد نشكر اختك يسر اللى خلتنا نشوف البوست ده

وانا فى انتظار كل جديد عندك

تقبل مرورى والسلام ختام

mido يقول...

فى انتظارك يا دكتور :)

حياتي كلها لله يقول...

السلام عليكم

جني

بجد جزاك الله خيرا علي السؤال التاني

و إن شاء الله تشوف البلوجر شغاله من نار ....

تحياتي
سلمي الجديدة

حياتي كلها لله يقول...

السلام عليكم

محمد غاليه
جزاك الله خيرا علي السؤال الدائم
وبجد ماشاء الله عليك من أوائل الناس في الكومنتس علي طول ...

ما شاء الله بجد نفسي أكون كده


تخياتي
سلمي الجديدة

حياتي كلها لله يقول...

promis is promis

السلام عليكم
ياااااااااااه بتشكر يسر ده أنا نفسي أخنقها
بجد تعبت معاها كتير قوي علشان ترجع تكتب تاني بس مش عارفة مين اللي أقنعا أن اللي بتكتبه كلام تافه لدرجة أنها بقت مكسوفه تكتبه ..حاولت كتير أفهمها أنه علي قد سنها بس علي مين ...طلعت عيني

بس بجد جزاك الله خيرا علي السؤال

تحيايت
سلمي الجديدة

حياتي كلها لله يقول...

السلام عليكم

ميدو

قريب جدااااااا يا دوك إن شاء الله

فعلا متشكره علي السؤال الدائم
جزاك الله خيرا
تحياتي
سلمي الجديدة

إيمان بنت الحرية يقول...

اجمل حاجة موضوع سلمى الجديدة وسلمى القديمة
ياااااااااه بجد التغير احلى حاجة ..
ويارب يكون تغير للافضل..
وبعدين انا فعلا ادخل مدونتك اكتر من مرا وملاقيش فى جديد واددخل تانى ع امل ان يكون فى جديد وبردوا مفيش جديد ...!!
بس يلا ولا يهمك
وحمد لله على سلامتك
عودا حميدا

ويلا بقى مستنين اجمل البوستات منك ..

انا ودماغي يقول...

لاااااااااااااااااااااااا
انا مش مسمحاكى ابدا
هو عادى كدة أنا آسفة...هأأو..بنهرج احنا


على العموم عفونا عنك...بس متكررهاش تانى

ده انتى اللى قولتيلى

ما لا يدرك كله و لا يترك كله

و لا إيه يا استاذة

قلم رصاص يقول...

السلام عليكم ورحمة الله وبركاته

حمدلله على السلامة دكتورة سلمى

حقيقي مفتقدين تدوينات حضرتك

والف مبروك على سلمى الجديدة

اكيد هتبقى اضافه لشخصيتك وده اكيد

هيبان في التدوينات الجديدة اللي

هتسطريها لنا بقلمك الرفيع المستوى

دمتي في حفظ الله وامنه

حياتي كلها لله يقول...

السلام عليكم

إيمان

فيك الخير و الله يا بنتي ...ده أنا لو مكانك مكنتش عبرتني خااااااااالص

بس بجد متشكرالك قوي علي السؤال

فعلا التغير جميل ...بس بقي ربنا يستر و أقدر أبقي قد كلمتي

منتظراك علي طوووووووووول و علي عرض كمان

سلام يا جميل
سلمي الجديدة

حياتي كلها لله يقول...

السلام عليكم

أنا و دماغي

**************************
...هأأو
***************************
يا نهار أبيض
كتبتيها إزاي ده يا بنتي ده أنا بقالي سنة بقراهاههههههههه

بس بجد أنا مكسوفة منك خاااااااااااااالص
أنت أكتر حد أنا مقصرة معاه

بس أنتي عذراني صح

ده أنا طلعت أستاذه فاشلة خااااااااااااااالص
بس كله حيتصلح إن شاء الله
أنا و الله لسه عند كلمتي
مالا يدرك كله لا يترك كله
بس هي لها معاير شوية
يعني لا يدرك كله ده كانت عندي
إني أبص علي البلوج كل أسبوعين كده و لاحاجة

بس خلااااااااص ده كان زمان و الجديد غير كده خااااااالص

منتظراك دائما
سلم الجديدة

حياتي كلها لله يقول...

السلام عليكم
قلم رصاص

بجد بجد بجد مش عارفة أقول إيه
بس شكرا علي السؤال الدائم رغم تقصيري اللي تخطي حد الوصف

بس بجد كل ده كان زمااان

أدعولي بس أقدر أبقي قد كلمتي

تحياتي
سلمي الجديدة

جمعاوي صاحب "عيادة أسنان" يقول...

السلام عليكم

ربنا يكرمك اختنا على الاحساس الطيب ده

بس انا معترض فعلا ع اللى ىحضرتك كاتباه
لا فعلا
اولا مش لازم انزل بوست كل اسبوع
حضرتك هى ايه اصلا فكرة البلوج
مكان لتعرضى فيه افكارك
حاجات عنك
اى حاجة
الشاهد
انها خاصة بيكى انتى مش بتاعت حد تانى
يبقى انا اديرها زى ما احب مش زى ما الناس بتحب

ناس كتييييييير لقت حضرتكط بتحملى فكر معين
تقلوك ليه مش بتكتبى عن فكرك جوه المدونة !!!!!!!
لا طبعا مش من حق حد\ يقولك كده
انتى حرة فى اللى تكتبيه
وحرة تنزلى بوست كل اد ايه
وحرة تجددى المدونة كل فترة ايه

محدش يدفع حضرتك لكتابة حاجة بعينها بوقت معين وتبقى ملزمة بقى تنزلى بوست كل اسبوع


مش مهم خالص اختنا نشوفلك بوست كل اسبوع
المهم اللى نقراه تكون سلمى اللى كاتباه مش سلمى المجبرة اللى عماله تعمل عصف ذهنى علشان تلاقى اى كلام يتكتب
لا عارفة يااختنا
اصدق كلام
اصدق كلام اللى بيد
فعك انك تكتبيه
مش اللى بتقعدى علشان تكتبيه

اصدق بوست
اللى بتكتبيه حضرتك وانتى ماشية فى الشارع او راكبة العربية ومنعزلة عن كل الناس بس لازم اكتبه لانمه بيقولى اكتبينى



ده رايى طبعا

واخيرا ياما بوجر كتيييييييير مشاهير وكل شغلهم فقط انهم يلفوا على البوجات التانية يطمنوا ع الناس اللى فيها ويكومنت وخلاص انما البلوج بتاعتهم مش بيجددوها غير كل مدة




لا انا شخصيا بادعو حضرتك بجد
تراجعى نفسك فى قرار بوست كل اسبوع ده


ودمتم بكل خير
فى امان الله
واسف والله ع الاطالة معلش

سبهللة يقول...

اول زيارة لمدونتك
والل عجبنة فيها انها عرفتلا على مدونة توتى
بنت ممتازة
ربنا يبارك فيها
تقبلى تحياتى
وسلام الله عليكى ورحمته وبركاته

بستان الحب يقول...

ابنتى الحبيبه سلمى الجديده والقديمه فى انتظار جديدك لا تحرمينا من ابداعاتك نريد ان نتعرف على الجديد فى عالم الصيدله يا دكتوووووووووره سلمى حفظك الله من كل سوء

حياتي كلها لله يقول...

السلام عليكم

جمعاوي "ولو أنهاخلاص مبقتش نافعة يعني ممكن تبقي خريجاوي "


********************************
ناس كتييييييير لقت حضرتكط بتحملى فكر معين
تقلوك ليه مش بتكتبى عن فكرك جوه المدونة !!!!!!!
لا طبعا مش من حق حد\ يقولك كده
انتى حرة فى اللى تكتبيه
*********************************

طيب أصلا لو أنا بحمل فكر معين و مش ناوية أصلا أكتب حاجة تخي الفكر ده
أو أتكلم عنه ..أو أعتبر مدونتي خاصة بي أنا و مش ملزمة أكتب حاجة عن الفكر اللي بحمله ده

ليه أصلا أبين إني بحمل الفكر ده

مكنت دخلت المدونة بإعتباري أي شخص عادي مش بيحمل أي فكر بعينه
و مش حبقي خسرت حاجة
مني حققت اللي عايزاه و بقيت حر جداااااااا في مدونتي و مني مضرتش الفكر اللي بحمله بأي تصرف أعمله بدون قصد
يعني من البداية لو مش ناويةاهتم بالفكر ده في مدونتي ليه أصلا أحمل نفسي عبء و أضرار إني أكون واجهة ليه


طبعا عارفة إن مش شرط نجاح المدونة وجود بوست كل أسبوع أو كده
و إن أصدق الكلام اللي بيطلع في لحظته بس بصراحة هي مبتحصلش معايا
يعني أنا بقعد أقول أنا عايزة أكتب أكتب إيه ..و أقعد أفكر و أكتب مش وحي في لحظة معينة
يعني معنديش اي مشكلة إني أنزل بوست كل أسبوع

غير الكسل

مدش يقدر ينكر إن أنا بجد كنت بستهبل في حق المدونة و المدونين قوي

وبعدين ده حضرتك و الله من أكتر الناس اللي كانت بتأنبلي ضميري
يعني علي طول أخيرا البوست نزل فين الجديد
دايما بوستاتك من كذا جزء و بنقعد سنه نستني الجزء الجديد

إيه اللي حصل ؟؟؟!!!
بص متحولش تقنعني بالموضوع ده
علشان مش حينفع لازم حضرتك برده تكتب بوست كل أسبوع

مش حتهرب يعني مش حتهرب

تحياتي
سلمي الجديده برده

حياتي كلها لله يقول...

السلام عليكم

سبهلله

مبسوطة كتيييييييييييير
باول زيارة ليكي هنا
و اللي طبعا مش حتكون الأخيرة
هو دخول الحمام زي خروجة و لا إيه

لازم تيجي كل شوية تدي التمام

**************************
والل عجبنة فيها انها عرفتلا على مدونة توتى
بنت ممتازة
ربنا يبارك فيها
*************************

كده برده و بتقوليها في وشي
طيب أستني لما أمشي

يعني مفيش حاجة تانية عجبتك هنا غير موضوع توتي ده

ياااااااادي توتي اللي خطفت الأنظار ده

مهو أنا اللي جبته لنفسي

خلاص بقي أتعلمت توبة من دي النوبة

أبقي خلي توتي تنفعك بقي

سلام يا مش جميل خااااالص
سلام يا قمر
سلمي اللي هي مش أخت توتي خاااااااالص

حياتي كلها لله يقول...

السلام عليكم

طنت بستان الحب

بجد بجد مش مصدقه نفسي

حضرتك شخصيا بذاتك هنا
مش معقول

لا لا لا لا لا
ده أنهارده فرح بجد
منوره و الله العظيم بجد

بالنسبة بقي للجديد في عالم الصيدلة
طبعا إني فاضلي كام سنه مش عارفة حيعدوا علي المجتمع الطبي إزاي عقبال متخرج
أظن مفيش أي طفرة أو حدث جلل ممكن يحصل في العالم ده
غير إني بجلالة قدري و مكانتي العليا الفظيعة اللي أنا فيها "كفاية كده علشان بحب التواضع "أتخرجله !!!

متقلقيش يا طنت خلاص و الله مش حوحشك تاني
علشان أنا أصدرت القرار رقم 22204
في إني حروح الدار
و طبعا ده المرة 5554121
اللي أنوي فيها و مرحش
بس المره ده خلاااااص
أكيد أكيد
يعني حنشوف بعض كتيييييييييير

كويس إني لحقت أبلغكم قبلها بكام يوم
علشان تلحقوا توضبوا المكان
شوفوا بقي رملة و لا ورد

ربنا يقدركم علي المهمة العظيمة اللي حملت علي أعناقكم


سلام مؤقت
سلمي

مسلمة من أرض المشرق يقول...

بارك الله فيك وجعل مدونتك ذخرا للإسلام والمسلمين

حياتي كلها لله يقول...

السلام عليكم

مسلمة من أرض المشرق

جزاكي الله خيرا
ومنوراني جدااااا
أكيد حتكرر الزيارة "صح؟؟!"

تحياتي
سلمي

الفاروقة يقول...

السلام عليكم


منتظرين سلمى الجديدة لتتحفنا بماعندها من جديد

ابن الإخوان والأزهر يقول...

يسر الله لك الأمور

أول مرة أعلق تقريبا

حياتي كلها لله يقول...

السلام عليكم
الفاروقة

جزاك الله خيرا
إن شاء الله عن قريب

تحياتي
سلمي

حياتي كلها لله يقول...

السلام عليكم
ابن الإخوان و الأزهر

سعيدة جدااااا بأول تعليق
و في أنتظار تعليقاتك دائما

تحياتي
سلمي

سحورة يقول...

جزاكم الله خيير

عل فكره انا عاجبانى المدونه ووى

نظافة مثالية يقول...

تتشرف شركة المثالي جروب للنظافة الشاملة بالمنطقة الشرقية بتقدم شركة تنظيف منازل بالخبر والتي تقدم افضل خدمات تنظيف المنازل والشقق والفلل والمجالس والكنب والسجاد والموكيت بالاعتماد عليافضل الامكانيات الحديثة والعمالة الماهرة وخبرة عشرات السنوات بمجالات التنظيف لجميع اركان المنزل وكل مع يحيط به فمع شركة تنظيف بالخبر تستطيعون الحصول علي افضل جودة ممكنة لتنظيف المنازل بارخص الاسعار المثالية

شركة تنظيف منازل بالخبر
شركة تنظيف بالخبر