الخميس، 3 سبتمبر، 2009

ta3a pamphlet





لكل من يعاني من داء الذنوب ...لكل من اغرقته المعاصي و الآثام ...لكل من أجهدته المصائب و النكبات
لكل من أثقلته الهموم و الغموم ...لكل من ضاقت عليه الأرض بما رحبت و لكل من ضاقت عليه نفسه بما حملت
لكل باحث عن السعادة الحقيقية فلم يجدها لكل من أتعبه المرض سنينا و أعواما
إليك الحل .,..إليك الدواء لكل ذلك ...فقط أتبعي
ز....ا....ن....ت....ا....ك
ز:

زي رسولنا نتمني نكون
زيه بنحمل هم الكون
زيه طهارة ...زي نقاء ...زيه في كل خطوة بناء
زيه نعمر أرض المولي
زيه نكون بكتابه عايشين
زيه هدفنا نكون و نكون

أ:
أنا بتمني إني أكون
أنا واحدة فعاله في الكون
أنا عايشة لربي و قرآنه
أنا راضية بآياته و أحكامه
أنا ماشية علي نهج رسوله
أنا حالفة لجمالي راح أصونه
أنا لابسة حجابي و معتزة ...بالزي الشرعي ملتزمة

ن:
ناسينه و بنبعد عنه
نتمني دايما كده بعده
نتمني وسواسه يرحمنا
و في حالنا يسيبنا ويعتقنا

ت:
تربيتي علي نهج رسولي
تعليمي و الله راح أصونه
تعاليم الدين انا حافظاها
تتمني تكوني صايناها
أ:
أنا بحلم دايما كده بيه
أنا ربي في قلبي بلاقيه
أنا عايشة علشان بس أرضيه

ك:
كل لحظة في عمري فيه
كل ثانية بخدمه فيه

...........................مع زانتاك حياتي كلها لله ...................
التعريف بالدواء :
زانتاك قرص ملئ بحبات التقوي و الإيمان ...تتفاعل معا لتنتج أقوي مزيج من الإسلام ...ليقضي علي أقوي الآثام
الفئة الدوائية :
مضادات للآثام من عائلة الوسوسة

التركيب :
كل كبسولة تحتوي علي :
حب الله 3000مجم
فيتامين طهارة القلب 50مجم
حمض أميني :النية الطيبة 70مجم
حمض الخير 80 مجم
سلفات الرضا بقضاء الله 200مجم
سلفات تتمني الفردوس 100مجم

دواعي الإستعمال :
الإصابة بتحجر القلب ،تصلب المشاعر،الجراثيم الحساسة تجاه الإيمانيات الضعيفة في ظواهرها من البعد عن الله ،التقرب من المعاصي بكثرة
موانع الإستعمال :
يجب عدم إستعمال الدواء في الحالات التالية :
*الحساسية المفرطة تجاه الشياطين الموسوسة
*أصحاب الإرادة الضعيفة و النفوس المريضة
*في الوقت الضائع بعد فوات الأوان و أثناء خروج الروح

إحتياطات الإستعمال :
ربما لا يأتي بنتيجة فعالة من المرات الأولي للتداوي ...و لكن مع التكرارو الإنتظام و الإرادة القوية يأتي بنتيجة مبهرة من تطهير للقلب بالكامل
الجرعة :
في أي وقت و لكل الأعمار و جميع الجنسيات بأكبر الجرعات الممكنة مع أهمية التكرار و الإنتظام ليعطي النتائج المبهرة

أسلوب و طريقة التناول :
يجب تناول هذا الدواء أثناء العمر و مع كوب من النية الخالصة لله قبل الصلوات الخمس
يجب عدم تناول هذا الدواء علي قلب ملئ بالأحقاد من أجل تفادي الإضطرابات الشيطانية "وسوسة و ذنوب "
يجب الوقوف مع النفس بعد تناول هذا الدواء

الأعراض الجانبية :
ربما تلاحظين فقدان الشهية للغيبة و النميمة و مشاهدة حوارات الفنانين علي الفضائيات
غالبا ما يصاحب تناول هذا الدواء بعض الميول الشديد للتقرب من الله سبحانه وتعالي وقراءة القرآن
ربما تلاحظين بعد بعض أصدقائك عنك و تجنبهم و أنتقادهم لكي و لكن لا تحزني فأنت علي الطريق السليم
و أحتسبي ذلك عند الله و سيبدلك خيرا منهم

الحفظ:
تحفظ العبوة في القلب الطاهر في مكان ملئ بالإيمانيات العالية

الأربعاء، 12 أغسطس، 2009

حتقدر علي نفسك "تحدي النفس "!!!







أصله خلاص كبر علي الطبع ده و مش حيقدر يتغير


أصله أتربي علي كده


مهي ده عادته


معلش أستحملوني أصلي لما بتنرفز ببقي وحش قوي


خلي بالك ...أصله نصف كلامه شتيمة


لسانه مش حلو


غبي في تعاملاته


هو كده


أنا كده بقي لو كان عاجبكم ...و مش حتغير


أصله مبيحسش قوي بالناس اللي حواليه


هو دايما كده بيكسف الناس


من بره هاله هاله ...و من جوه يعلم الله


هو دايما كده يحسسك إنه عم المهم ..و مفيش بعده


يالله ..ده حالته صعبة خالص ..لو أتحط في موقع مسئوليه ..بيترسم علي الآخر


أصله كده وحداني و مبيعرفش يندمج مع الناس


صوته عالي و بجد كائن مزعج


ممكن يكسفك أدام الناس و ميعملش حساب لكرامتك علي الأقل أدام الناس


بيطنشك كتير و بيحب قوي ..يحسسك إن أهتمامك كله من جانب واحد


مش عارف يحب ربنا


لسانه مش رطب بذكر الله


عايش بلا هدف


مبيعملش خير


خناقاته كتيره مع كل اللي حواليه


.....................................................................................


مش راضي عن نفسك


معندكش قناعة بذاتك


دايما تبص علي اللي في إيد غيرك


مش سعيد في حياتك


نكدي


كئيب


ممل


مش عارف تستمتع بحياتك


مش عارف تعيش حياتك في طاعة الله


دايما منتقد من اللي حواليك


معندكش ثقة في حد


محدش عنده ثقة فيك


مش بتعرف تعبر عن اللي جواك


مش بتعرف تتعامل مع اللي بيعبرلك عن اللي جواه


شخصيتك ضعيفة


مركز علي جانب واحد من جوانب الحياة ..و ناسي إنها المفروض تتعاش كلها


مش عارف تترك بصمة في حياة غيرك


حاسس إنك لما تموت محدش حيفتكرك بحاجة حلوة


وجودك زي عدمه


أناني


قليل الأدب مع أهلك


مش عارف تحسس أهلك بأهمية دورهم في حياتك


منطوي


دايما تعمل حاجات تغضب ربنا و تقول أصل أنا كده




................................................................


بجد حاجة بتضايقني جدا ليه عندنا ثقافة أنا كده


هل هي أصبحت ثقافة مجتمع ؟؟؟!!!


طيب لو كانت ثقافة مجتمع جه منين المثل الشعبي اللي بيقول "أبنك علي متربيه و جوزك علي متعودية "


يعني إحنا عندنا إقتناع داخلي بإن الشخصية ممكن تتغير بالتعود


يعني مفيش حاجة أسمها




أنا كده


هو كده


طبعي كده


مش حتغير


بجد بتضايق قوي لما بلاقي الناس بتتعامل مع العيوب اللي في شخصيتها "و اللي ممكن تكون بتسببلها مشاكل كتير في حياتها "علي إنها أمر مسلم به و طبيعة شخصية و تربية


لأه و الأدهي أنهم كمان بيحاولوا يتكيفوا و يكيفوا كل اللي حواليهم علي الطبع ده




طيب ليه مبيحاولوش يعملوا العكس


ليه مبيحاولوش يغيروا الطبع الوحش ده للأحسن


هل هي ثقافة مجتمع ؟؟!!!




اصلها بجد حاجة غريبة جدااااااااااااااااااا


دايما بلاقي الناس بتتعامل علي إنها خلاص بقت كده ..و أتربت علي كده ...و بقالها مش عارفة كام سنة عايشة و هي كده




و تلاقيهم بيقولوا لغيرهم لو بتحبوني أقبلوني زي مأنا كده لإن أنا كده و مش حتغير




بجد بقي ليه كده ..مفيش حاجة أسمها أنا كده


في ححاول مبقاشش كده ..و حنجح ..و حتغير ..و حبقي الأحسن


لإن أنا مش حديد وصلب ..


أنا


قلب


روح


ضمير


معنويات


لو عندي مشاكل في عباداتي حلعب علي روحي لحد متتحل


لو عندي مشاكل مع اللي حولي حلعب علي قلبي لحد متتحل


لو عندي مشاكل في سلوكياتي حلعب علي ضميري لحد متتحل


لو عندي مشاكل مع نفسي حلعب علي معنوياتي لحد متتحل




وفي الآخر أكيد كله حيتحل


لإن ده قلبي أنا وروحي أنا و عقلي أنا و ضميري أنا و معنوياتي أنا


و اللي عاوز يتغير برده أنا




يبقي المسيطر علي الموضوع كله هو أنا


ليه بقي أسجن نفسي في سجن كده و خلاص


و أحرم نفسي من إني أبقي الشخص السعيد مع ربه و أهله و نفسه و اللي حواليه
بجد أنا نفسي في حاجة أوي
كلنا نتفق و أنا أولكم إننا دايما كل شوية ندور في نفسنا علي حاجة بتضايق الناس اللي حوالينا مننا أو حاجة بتضايقنا من نفسنا
أو بتبعدنا عن ربنا أو بتعكر علينا حياتنا
و نبدأ نشتغل علي نفسنا ..و نعودها علي الوضع الجديد
و الصفة الأحسن ...و بجد و الله و عن تجربة محاولة التعود حيتحول شوية شوية لتعود حقيقي و حنبقي طبعنا نفسنا علي السلوك الأحسن
بجد يا جماعة لازم نتعامل مع نفسنا علي إنها طفل صغير بنربيه علي إيدينا طول مإحنا عايشين معاه
لإنه مفيش مفر غير كده
لو مشكلي مع اللي حولي مهو كده كده لازم حعيش معاهم
لو مشاكلي مع نفسي بره حفضل عايشة عمري كله معاها
لو مشاكلي مع ربي حروح منه فين حرجعله في الآخر
و هي حياة واحدة بس اللي حعشها مع نفسي و مع اللي حوالي و اللي أدامي فرصة واحدة بس فيها علشان بعدها حقابل ربي و أتحاسب علي اللي عملته فيها
طيب ليه منبقاش أذكية و نلعبها صح
و نكسب حياتنا مع نفسنا و ربنا و اللي حواليا
لإنها كده كده متعاشة ....يبقي تتعاش صح بقي
بجد لو عملناها كده زي واجب شهري
كل شهر ندور علي صفة صغيرة عايزين نحسنها فينا
و نفضل نحاول الشهر كله لغاية بإذن الله منقدر نغيرها
و بجد لو في صديق يعين كل واحد منا في الواجب ده
مش لازم يعني يكون عارف الواجب اللي حعمله أصلا
أنا أقصد صديق يكون عنده الصفة اللي ناقصاني وأحاول أكتسبها منه لغاية متبقي عند ي
يعني مثلا :
أنا بجد كان مأزمني جدا إن ذكر ربنا مش في لساني دايما
حتي في كلامي العادي
يعني مثلا لو في واحدة في مشكلة كنت بقلها مثلا
فكي بس روقي كده و حتعدي ..حاجات كده
و كنت بتضايق قوي إن لساني مش واخد علي مثلا :
أستهدي بالله ،أستغفري رينا ،خير إن شاء الله
بس كان في واحدة صاحبتي الكلام الحلو ده دايما في لسانا
فركزت معاها قوي و حاولت أكتسب الصفة ده منها
و بجد الحمد لله ...لساني بدأ يآخد علي الكلام الجميل ده
يعني صفة وحشة اتبدلت بصفة حلوة ....
وهكذا .................
تخيلوا بقي لو أشتغلنا كده علي نفسنا كل فترة في صفة معينة
حنكون في الآخر عاملين إزاي
بجد ياريت نحاول
تحياتي
سلمي




السبت، 18 يوليو، 2009

حبيتك لإلتزامك



حبيتك لإلتزامك ................. حبيتك لاحترامك

حبيت فيكي التواضع ................. والعزة اللي ف كلامك

مبسوط منك لأنك ................. إسلامك كل همك

أنا أصلي قابلت بابا ................. واداني فكرة عنك

وسألته عن طباعك ................. إن كانت يعني هادية

فحكالي عن سماعك ................. لكلامه وانت راضية

وازاي بتسلي نفسك ................. بذكرك وانت فاضية

وحلاوة صوت تلاوتك ................. وازاي بتكوني شادية

وسألته إن كنتي فاهمة ................. معنى كلمة زوجين

قالي هتكونوا ورقة ................. مطبوعة نسختي

نغني كنت أو فقير ................. ليك عند بنتي دين

سرك هيكون في بير ................. معرفش مكانه فين

تفضل دايماً كبير ................. في نظرها حبتين

لو جيت بفلوس كتير ................. تطمن جت منين

هتكون دايماً معاها ................. سيرتك هتكون هواها

والشوق اللي ف خيالك ................. تلقاه لحظة لقاها

لو جيت زعلان ف مرة ................. إرمي همومك وراها

ومهما شوفت بره ................. مش هتشوف مستواها

واطمن يابني خالص ................. عقلها مافيهوش تفاهة

وزي ما هي بنتي ................. بنت حماتها وحماها

وسألته عن ولادي ................. منك هيكونوا إيه؟

قاللي هيكونوا عادي ................. فسألته يعني إيه؟

!قاللي العادي إللي كان ................. عند الناس من زمان

العادي بتاع سراقة ................. وحذيفة بن اليمان

العادي بتاع أسامة ................. وابن الحكيم لقمان

ده العادي بتاعنا إحنا ................. بنربي عليه عشان

لو جينا ولا رحنا ................. هنقابل الرحمن

عمرك ما تخاف عليهم ................. ولادك في الأمان

أنا بنتي هتربيهم ................. ع السنة والقرآن

هتشوف ابنك بيصحى ................. مادام سمع الأذان

ينزل في الفجر يقرا ................. بالسجدة والانسان

هتشوف في حجاب بناتك ................. العفة والإحسان

هتشوف إزاي مراتك ................. هتعينك إنت كمان

قدملي مكة كولا ................. قاللي اتفضل وسمي

أحسن من سكة كولا ................. صدقني وخدها مني

قلتله طيب ياعمي ................. يسعدني أقولك إني

بطلب بنتك ونفسي ................. تناسبني وترضى عني

راح شادد فجأه لبسي ................. وقلب وشه وسألني

حافظ كم جزء يابني ................. وقاري كم كتاب

احكيلي كده عن مؤت ................. أوغزوة الأحزاب

وسمع كم حديث ................. في الأخذ بالأسباب

وكمان سمعلي آيه ................. ذكرت فيها الدواب

ولو شايفها صعبة ................. قللي بتاعة الذباب

واحكيلي حلم يوسف ................. وبراءة الذئاب

واخواته لما جولوه ................. دخلوا من أنهي باب

واديني فكرة برضه ................. بتقبض كم ثواب

وناوي ازاي تحسن أنا شايفك لسه شاب

وسأل نفسه وسألني ................. هيعوز إيه يعني مني؟

لو عندي كل حاجه ................. وديني مش شاغلني

أحسن لك تنسى بنتي ................. ومهرك مش لازمني

قلتله صبرك ياعمي ................. وبراحتك امتحنيي

بقى اما أسأل تجاوب ................. خليك دايماً فاهمني

سألتك وانت ساكت ................. خليتني أظن ظني

وفضل يسأل واجاوب ................. وعشان خاطرك عصرني

وظهرت النتيجة ................. وبفضل الله قبلني

قاللي مقبول في نظري ................. مبروك عليك ياسيدي

لكن في نظرها هي ................. نجاحك مش بإيدي

وهي زمانها راجعة ................. من تمرين السويدي

خليك قاعد شوية ................. استنا لما تيجي

هعملك من إيديا ................. كباية شاي صعيدي

سابني وقعدت أفكر ................. هل ممكن ترفضيني

طاب قولي حتى أفكر ................. مش يمكن تفهميني

وفضل مخي يلاعبني ................. يجيبني ويوديني

وخايف م المقابلة ................. مرعوب بينك وبيني

ودق الباب في ثانية ................. وشوفتك مرة تانية

مش قادر أنسى يومها ................. وفاكر كل ثانية

ونده والدك عليكي ................. عشان أول لقاء

دخلتي وشوفت وشك ................. عليه نور الحياء

نور والله فعلاً ................. مش نور بودرة وزواء

كان أول مرة أخاف ................. من فتنة النساء

أخلاقك مش عادية ................. وجمالك كان شفاء

قعدتي جنب والدك ................. وسألتيني وجاوبتك

وفكل مرة أجاوب ................. كنت باشوف ابتسامتك

ف أقول من جوه نفسي ................. يارب أكون عجبتك

وبعد شوية قمتي ................. ندهت عليكي مامتك

ورحتي دخلتي جوه ................. وراح وراكي والدك

وانا قلت مش مروح ................. غير لما أكون خطبتك

وابوكي جاني تاني ................. وقرب من وداني

لابس كرفته سوده ................. وبدله لون فراني

المنظر يعني كله ................. ميدلش ع التهاني

قلتله مالك ياعمي ................. من فضلك قول عشاني

عرقي غرقلي كمي ................. سايبني ليه أعاني

قاللي مستني إيه ................. فين إيدك إديهاني

البنت مش موافقة ................. تتجوز حد تاني

كان أول مرة أعرف ................. إزاي الناس بتفرح

سعادتي كات غريبة ................. مش ممكن هقدر أشرح

من كتر حبي ليكي ................. نويت أضحي وادبح

رحت اشتريت خروف ................. وكان خروف بينطح

ده أخيراً هبقى جوزك ................. وشجرة صبري تطرح

خطوبتنا كات بسيطة ................. مكانش فيها زيطة

وفرحنا كان في جامع .................ي عني مش خلطبيطة

ومامتك جت في يومها ................. ورقعت كام سويطة

هاتولي بنتي منه .................د ي مش فاهمة العبيطة

إنه هيخطفها مني ................. وهتوحشني الغتيتة

صعبت عليا مامتك ................. الموقف كان شديد

لكن فعلاً خطفتك ................. ورحنا مكان بعيد

فاكرة ولا انتي ناسية ................. أكيد فاكرة أكيد

من يوم ما بقيتي زوجتي ................. وانا متهني وسعيد

معايا ف كل يوم ................. ويوم لؤاكي عيد

عمرك ما دقتي نوم ................. وانا تعبان أو مريض

فلوسي كات بتكتر ................. والخير عندك يزيد

وعامله ليه دفتر ................. ومرتبه المواعيد

وبفضل الله قدرتي ................. وجبتيلي الوليد

وبعديها بشوية ................. جبتيلنا عليه يزيد

وبعديه جت سمية ................. وآخرهم كان حميد

بدعيلك كل يوم ................. وأفضل أعيد وازيد

ربيتي عيالي دول ................. ع القرآن المجيد

طول عمرك وانتي صافية ................. قلبك لون الجليد

أخلاقهم مش عادية ................. طلعنلك مش بعيد

وليد دلوقتي ضابط ................. ومعاه رتبة عقيد

ودعوة قلبي صابت ................. ويزيد أهو مات شهيد

وبنتك صيدلانية ................. وحميد أصبح معيد

الله برحم أبوكي ................. راجل من نوع فريد

كل اللي قاله فيكي ................. أنا عشته بالتحديد

عشت معاكي ف حكاية ................. أحلى وأجمل رواية

حكايتي كات معاك ................. وحكايتك كات معايا

اديتك كل عمري ................. وهمك كان رضايا

وعمرك خدته منك ................. وقربك كان دوايا

وخلاص العمر راح ................. راحت أيام صبايا

ومسافر رحله صعبة ................. وزادي مش كفايه

مش عاوز أشوف دموعك ................. بالذات ف يوم عزايا

أنا عارف إنتي عارفة ................. إن الموت مش نهاية

دي لسة الرحلة طالعة ................. والموت خط البداية

إدعيلي يمكن أوصل ................. وأشوف هناك حمايا

أنا عارف إنه فيها ................. محجوزله هناك سرير

وسلامي في النهاية ................. أنا خلصت الحكاية

لو يوم فكرتي فيه ................. إقري شعري وغنايا

وأمانه ف كل مرة................. تدعي لي بالهداية

عسى ربي بدعائك................. يغفر ليا الخطايا


* * *منقول
عجبتني قوي قلت لازم أجيبلكم

الأحد، 12 يوليو، 2009

sorry!!


السلام عليكم
بجد و الله مش عارفة أبدأ منين
بس أنا فعلا آسفة جدااااااااا ...أنا فعلا مقصرة جداااااااا في حق البلوج ده و في حقكم كلكم
بس بجد ماشاء الله عليكم رغم كل اللي بعمله فيكم ده لسه بتسألوا علي
أصلا أنا لو كنت مكانكم مكنش حعبرني خااااااااالص
بس بجد متشكرة كتييييييييييير ...
أنا فعلا محستش بالخنقة اللي بسببهالكم
غير من يسر ..كل شوية أقعد أقولها مش معقول كده بجد خلي عندك شوية دم ...و أكتبي علي البلوج أي حاجة ...هو مش في ناس بتقرالك ..حرام عليكي لازم تهتمي بيهم شوية ...بس واضح جداااااا إني كان المفروض أقول الكلام ده لنفسي قبل مأقولهولها
بس بجد خلاص كده ...أتا من اللحظة ده ...حبقي سلمي جديدة خالص غير سلمي المملة القديمة
حبقي واحدة تانية خالص ...بجد و عد إن شاء الله مش هذار ...سلمي الجديدة حتنزل بوست علي الأقل كل أسبوع
معلش أستحملوني شوية كمان و بجد بوعدكم مش حعمل كده فيكم تاني خااااااااااااااالص
تحياتي
سلمي الجديدة

الخميس، 30 أبريل، 2009

الخميس، 19 مارس، 2009

تلك اللحظة



رغم أني الآن أتألم كثيرا إلا أنني أصررت أن أسجل مشاعري هذه لتكون صادقة و نابعة من القلب ..حتي لا يجور عليها الزمن و تفقد دفئها ...و نارها المتقدة في قلبي تنطفئ ..و جروحي الملتهبة تتداوي
إنها تلك اللحظة التي تفقد فيها الثقة نهائيا فيمن كنت تعتبره في الماضي صديقا مخلصا ..اللحظة التي تنكشف فيها الحقائق لتظهر واضحة المعالم أمام عينيك لتكاد تعميها ..أو ربما تتمني فقدان هذه الحاسة ...حتي لا تري بعينك ما لم تكن تتوقع
حتي أني لا أعرف لتلك اللحظة اسما بعينه ..و لا أستطيع أن أصفها لكم
كيف هي ...كيف حالك حينها ...ما أثرها فيك مهما مر عيك من أعوام
ربي
كيف منها هذا الفعل يكون ؟!!
كيف ينقلب حال الإنسان من لحظة و ضحاها ..كيف تتلون الطبائع و تتشكل أمام عيني بهذه البساطة ..إنها من كانت لي محبة ...من كانت علي غيورة ..من كنت أسعد بلقاها ...و أنتظر يوم ملقاها ..من كانت لي كالمرآة ...أري نفسي فيها فأسعد بها من كنت أحب لحظاتي معها
إنها هي نفس الشخص ...نفس الروح ....نفس الجسد
الذي أكتئب حين أراه و أتذكر ما يحزنني
الذي تمر علي اللحظات معه ثقيلة كالحجارة بل هي أشد ثقلا
الذي يراني في مرضي فلا يبالي يراني في حزني فلا يتأثر
يراني في وحدتي فلا يشارك يراني في غربتس فلا يآنس
ربي
أهذا أمر طبيعي في الحياة ..أن تتشكل الناس أمامي و تتغير بهذه الصورة التي لا تسر
أم أن هذا أمر يستحق صدمتي عليه
ربي
دائما ما كانت تصف نفسها بالحال المتقلبة
لكن أعلي أنا تتقلب ..كم كنت أحسب نفسي عليها عزيزة غالية
و لكني فوجئت أنها لا تعرف العزيز الغالي
لقد باعتني و تركتني وحيدة أمام أول فرصة بديلة أمامها
حينها أدركت أن هذه هي اللحظة التي أنكشفت فيها الغمامة من علي عيني
و أدركت كم كنت ساذجة في حبها
إنها هي اللحظة ......لحظة الوداع
وداعا بلا عودة يا من كنت يوما أحب
سلمي

الأربعاء، 11 فبراير، 2009

Get Your Mam Or Dad "البيرقراطية وصلت للشبكة العنكبوتية "


TOTY WORLD
لا أستطيع أن أصف لكم شعوري عندما كنت أنشئ مدونة عالم توتي
http://www.totyworld.blogspot.com/
و هي مدونة لأختي الصغيرة يسر
فعلا إنه إحساس لا يوصف ..فهي ابنتي الصغيرة ..أتذكرها و هي طفلة ..و أتذكر طرائفها .فياللله سبحانك ..إذ فجأة و جدتها كبيرة أمام عيني .وبل و المضحك أنها تطلب مني إنشاء مدونة لها
و لكن لكم أن تتخيلوا سعادتي بها في هذا الموقف
ثم تبدأ رحلة من الضحك المتصل ..أثناء إنشائها
ففي البداية أثناء إنشاء إيميل لها ..بعد أن ملأت كافة البيانات الحقيقية و قبل إتمام إنشائها أجد رسالة تحذير بعنوان
Get Your Mam Or Dad

في تطلب إحضار الأب أو الأم لإطلاعهم علي محتوي هذه الرسالة و التي تنص علي عدم إمكانية إبنتكم إنشاء حساب لها لصغر سنها فيجب أن يتجاوز عمرها 18 عاما و إن أردت إنشاء حساب لها يجب أن يكون تابع لحساب الأب أو الأم و قصة كبيرة كده لم أستطع تمالك نفسي من الضحك عندما قرأت هذه الرسالة و كذلك أثناء إنشاء حساب لها علي بلوجر رفض أيضا لأن سنها 11 عاما و أقل سن مسموح له إنشاء مدونة هو 13 عاما فعلا حاجة غريبة جدااااا
يعني لو مكنتش أنا اللي بنشئ لها الحساب سواء الميل أو البلوجر ..مكنتش حتعرف يعني تعمله لنفسها لوجود هذه العقبه ..أكيد مكنتش حتغلب و كانت حتكتب سن مش سنها علشان تقدر تعملها أكاونت. أكيد الطفل مكنش حيغلب يعني كان حيتصرف و يمشي حاله
طب و هما أستفاده أيه يعني في النهاية بجد نفسي أعرف هل كده هما حموهم من أضرار النت يعني لأ ن سنهم صغيرطيب مهم بيدخلوا عليه عااااادي جدا من غير موضوع السن ده أيه بقي المشكلة في موضوع الميل أو البلوج

أنا متهيألي أن الحاجة الوحيدة اللي أستفادوها هما أنهم علموا الطفل الغش و الكذب و التحايل ..
لأنه مقدرش يحقق هدفه إلا بعد مكذب و غش و تحايل
يبقي بقي حيكون تفكيرة أن أكيد الصفات ده حاجة حلوة طالما هي بتوصله لهدفه و طبعا الموضوع ده حيرسخ في ذهنة مفاهيم خاطئة في وقت تكون شخصيته أنا مقتعة أنه لازم يكون في رقابة مشددة علي الطفل أثناء جلوسة علي النت بس مش هو ده اللي حيعمل رقابة للطفل الي و صل للمرحلة ده في التعامل مع النت الرقابة تكون من البيت ومن الأهل ...
ده بيروقراطية ..معقول الروتين و البيروقراطية و صل للشبكة العنكبوتية
فعلا حاجة غريبة و لكني سعيدة جدااااااااااا بتوتي
ربما ستكون أصغر مدونة فابلتها حتي الأن و لكني في قمة الشوق لأعرف ماذا ستكتب فلا أستطيع تصور حدود عقلها أو القضايا التي تشغل فكرها
فعلا لا أستطيع رسم صورة لها في ذهني غير أنها ابنتي الصغيرة التي تفاجئني دائما

مبروك توتي http://www.totyworld.blogspot.com/
تحياتي
سلمي