أصله خلاص كبر علي الطبع ده و مش حيقدر يتغير
أصله أتربي علي كده
مهي ده عادته
معلش أستحملوني أصلي لما بتنرفز ببقي وحش قوي
خلي بالك ...أصله نصف كلامه شتيمة
لسانه مش حلو
غبي في تعاملاته
هو كده
أنا كده بقي لو كان عاجبكم ...و مش حتغير
أصله مبيحسش قوي بالناس اللي حواليه
هو دايما كده بيكسف الناس
من بره هاله هاله ...و من جوه يعلم الله
هو دايما كده يحسسك إنه عم المهم ..و مفيش بعده
يالله ..ده حالته صعبة خالص ..لو أتحط في موقع مسئوليه ..بيترسم علي الآخر
أصله كده وحداني و مبيعرفش يندمج مع الناس
صوته عالي و بجد كائن مزعج
ممكن يكسفك أدام الناس و ميعملش حساب لكرامتك علي الأقل أدام الناس
بيطنشك كتير و بيحب قوي ..يحسسك إن أهتمامك كله من جانب واحد
مش عارف يحب ربنا
لسانه مش رطب بذكر الله
عايش بلا هدف
مبيعملش خير
خناقاته كتيره مع كل اللي حواليه
.....................................................................................
مش راضي عن نفسك
معندكش قناعة بذاتك
دايما تبص علي اللي في إيد غيرك
مش سعيد في حياتك
نكدي
كئيب
ممل
مش عارف تستمتع بحياتك
مش عارف تعيش حياتك في طاعة الله
دايما منتقد من اللي حواليك
معندكش ثقة في حد
محدش عنده ثقة فيك
مش بتعرف تعبر عن اللي جواك
مش بتعرف تتعامل مع اللي بيعبرلك عن اللي جواه
شخصيتك ضعيفة
مركز علي جانب واحد من جوانب الحياة ..و ناسي إنها المفروض تتعاش كلها
مش عارف تترك بصمة في حياة غيرك
حاسس إنك لما تموت محدش حيفتكرك بحاجة حلوة
وجودك زي عدمه
أناني
قليل الأدب مع أهلك
مش عارف تحسس أهلك بأهمية دورهم في حياتك
منطوي
دايما تعمل حاجات تغضب ربنا و تقول أصل أنا كده
................................................................
بجد حاجة بتضايقني جدا ليه عندنا ثقافة أنا كده
هل هي أصبحت ثقافة مجتمع ؟؟؟!!!
طيب لو كانت ثقافة مجتمع جه منين المثل الشعبي اللي بيقول "أبنك علي متربيه و جوزك علي متعودية "
يعني إحنا عندنا إقتناع داخلي بإن الشخصية ممكن تتغير بالتعود
يعني مفيش حاجة أسمها
أنا كده
هو كده
طبعي كده
مش حتغير
بجد بتضايق قوي لما بلاقي الناس بتتعامل مع العيوب اللي في شخصيتها "و اللي ممكن تكون بتسببلها مشاكل كتير في حياتها "علي إنها أمر مسلم به و طبيعة شخصية و تربية
لأه و الأدهي أنهم كمان بيحاولوا يتكيفوا و يكيفوا كل اللي حواليهم علي الطبع ده
طيب ليه مبيحاولوش يعملوا العكس
ليه مبيحاولوش يغيروا الطبع الوحش ده للأحسن
هل هي ثقافة مجتمع ؟؟!!!
اصلها بجد حاجة غريبة جدااااااااااااااااااا
دايما بلاقي الناس بتتعامل علي إنها خلاص بقت كده ..و أتربت علي كده ...و بقالها مش عارفة كام سنة عايشة و هي كده
و تلاقيهم بيقولوا لغيرهم لو بتحبوني أقبلوني زي مأنا كده لإن أنا كده و مش حتغير
بجد بقي ليه كده ..مفيش حاجة أسمها أنا كده
في ححاول مبقاشش كده ..و حنجح ..و حتغير ..و حبقي الأحسن
لإن أنا مش حديد وصلب ..
أنا
قلب
روح
ضمير
معنويات
لو عندي مشاكل في عباداتي حلعب علي روحي لحد متتحل
لو عندي مشاكل مع اللي حولي حلعب علي قلبي لحد متتحل
لو عندي مشاكل في سلوكياتي حلعب علي ضميري لحد متتحل
لو عندي مشاكل مع نفسي حلعب علي معنوياتي لحد متتحل
وفي الآخر أكيد كله حيتحل
لإن ده قلبي أنا وروحي أنا و عقلي أنا و ضميري أنا و معنوياتي أنا
و اللي عاوز يتغير برده أنا
يبقي المسيطر علي الموضوع كله هو أنا
ليه بقي أسجن نفسي في سجن كده و خلاص
و أحرم نفسي من إني أبقي الشخص السعيد مع ربه و أهله و نفسه و اللي حواليه
بجد أنا نفسي في حاجة أوي
كلنا نتفق و أنا أولكم إننا دايما كل شوية ندور في نفسنا علي حاجة بتضايق الناس اللي حوالينا مننا أو حاجة بتضايقنا من نفسنا
أو بتبعدنا عن ربنا أو بتعكر علينا حياتنا
و نبدأ نشتغل علي نفسنا ..و نعودها علي الوضع الجديد
و الصفة الأحسن ...و بجد و الله و عن تجربة محاولة التعود حيتحول شوية شوية لتعود حقيقي و حنبقي طبعنا نفسنا علي السلوك الأحسن
بجد يا جماعة لازم نتعامل مع نفسنا علي إنها طفل صغير بنربيه علي إيدينا طول مإحنا عايشين معاه
لإنه مفيش مفر غير كده
لو مشكلي مع اللي حولي مهو كده كده لازم حعيش معاهم
لو مشاكلي مع نفسي بره حفضل عايشة عمري كله معاها
لو مشاكلي مع ربي حروح منه فين حرجعله في الآخر
و هي حياة واحدة بس اللي حعشها مع نفسي و مع اللي حوالي و اللي أدامي فرصة واحدة بس فيها علشان بعدها حقابل ربي و أتحاسب علي اللي عملته فيها
طيب ليه منبقاش أذكية و نلعبها صح
و نكسب حياتنا مع نفسنا و ربنا و اللي حواليا
لإنها كده كده متعاشة ....يبقي تتعاش صح بقي
بجد لو عملناها كده زي واجب شهري
كل شهر ندور علي صفة صغيرة عايزين نحسنها فينا
و نفضل نحاول الشهر كله لغاية بإذن الله منقدر نغيرها
و بجد لو في صديق يعين كل واحد منا في الواجب ده
مش لازم يعني يكون عارف الواجب اللي حعمله أصلا
أنا أقصد صديق يكون عنده الصفة اللي ناقصاني وأحاول أكتسبها منه لغاية متبقي عند ي
يعني مثلا :
أنا بجد كان مأزمني جدا إن ذكر ربنا مش في لساني دايما
حتي في كلامي العادي
يعني مثلا لو في واحدة في مشكلة كنت بقلها مثلا
فكي بس روقي كده و حتعدي ..حاجات كده
و كنت بتضايق قوي إن لساني مش واخد علي مثلا :
أستهدي بالله ،أستغفري رينا ،خير إن شاء الله
بس كان في واحدة صاحبتي الكلام الحلو ده دايما في لسانا
فركزت معاها قوي و حاولت أكتسب الصفة ده منها
و بجد الحمد لله ...لساني بدأ يآخد علي الكلام الجميل ده
يعني صفة وحشة اتبدلت بصفة حلوة ....
وهكذا .................
تخيلوا بقي لو أشتغلنا كده علي نفسنا كل فترة في صفة معينة
حنكون في الآخر عاملين إزاي
بجد ياريت نحاول
تحياتي
سلمي
هناك 66 تعليقًا:
التغيير سنة الحياة
ونفس الإنسان قابلة للتغيير والتشكيل كما نريد وكل ذلك بالإرادة والعزيمة
تحياتى
ربنا يكرمك
ونغير في انفسنا
ونغير اللي حولنا
ونرجع مسلمين في سلوكياتنا
نسيت اقول لحضرتك
انا مش كده
والدليل
اني رجعت تاني للبلوج بتاعي
احمد لاشين
السلام عليكم
د/إبراهيم
تمام فعلا كلام حضرتك بس المشكلة إن ثقافة التغير ده مش موجودة و موجود بدلها ثقافة التكيف علي الأمر الواقع
تحياتي
سلمي
السلام عليكم
د/أحمد لاشين
يارب بجد نرجع من تاني لسلوكياتنا المسلمة
أكيد بجد حضرتك مش كده
فعلا مكنتش أقصد أي حاجة
حمد الله علي سلامة حضرتك و مبروك رجوعك للبلوج من تاني
بس ده آخر مرة تسيبها إن شاء الله
تحياتي
سلمي
كل شئ بيتغير الا الطبع
رغم ان التغيير سهل
الله يبارك فيك
وحاضر يا افندم
بس فعلا حضرتك شجعتيني
ووالله بجد
وبسبب كلماتك من اول "لقد عاهدت نفسي و استحضرت نيتي في بداية إنشائي لهذه المدونة أن تكون.."
هذه الكلمات اضافة لتشجيعك لي كما شجعتي اختك الصغيرة كانا لهما الاثر في رجوعي مع بعض الظروف المحيطة بي
وجزاكم الله خيرا
بس اوعي تسيبيها بدون تعليقات والا هأسيبها انا ايضا :)
ربنا يكرمك
السلام عليكم
ازيك دكتورة سلمى
موضوع متميز جدا والله بأمانة وهاااااااااادف للغاية
موضوع البوست اصلاحي بالفعل للنفس
---
بجد يا جماعة لازم نتعامل مع نفسنا علي إنها طفل صغير بنربيه علي إيدينا طول مإحنا عايشين معاه
لإنه مفيش مفر غير كده
---
عندك حق جدا في الرأي ده
والنفس البشرية بطبعها متقلبة ومتغيره .. وربنا انعم علينا بنعمة عظيمة وهي النسيان .. فلولا النسيان لما تبدلت احوال البشر من حال لحال
دمتي في حفظ الله
وكل سنة وانتي طيبة ورمضان كريم
صايمه معانا طبعا ان شاء الله
هههههههههه
سلام عليكم
المشكله ان الناس بتستسهل يعني مش عاوز يغير من نفسه ولا من سلوكياته علشان مش يتعب نفسه في التغير وبيحاول دايما يقنع نفسه انه كده حلو وهو مش اوحش الناس يعني وكل واحد وله عيوبه بدل ما يحاول يكون احسن الناس ويقلل من عيوبه قدر الامكان
اولا حمدلله على السلامه
ثانيا الموضوع بجد حلو وموجود بكثره وهى فعلا ثقافه لازم تتغير زى حاجات كتير موجوده لازم تتغير
دمتى بكل خير وكل سنه وانتى طيبه
والسلام ختام
السلام عليكم
كيارا
منوراني يا قمر
بس أنا حزعل منك بجد ...بقي بعد كل ده تقولي كله يتغير إلا الطبع
الطبع ده ماهو إلا شئ مكتسب من حياتنا و تعاملاتنا ..و زي محصل و إكتسبناه بصورة غلط و بقي طبع وحش ...نقدر بسهولة جداااااااا نكتسبه صح ..و يبقي طبع أحسن
السلام عليكم
د/ أحمد لاشين
جزاك الله خيرا
بس حضرتك رتمك عالي أوي في تنزيل البوستات "ما شاء الله طبعا "
ربنا يزيدك كمان و كمان
بس براحة علينا شوية إحنا لسه غلابه علي قدنا و مش أد كده خااااااااااالص
تحياتي
سلمي
السلام عليكم
قلم رصاص
إيه بس الكلام الحلو ده كله ..
لأه بجد رفعت معنوياتي جدااااااااا
جزاك الله خيرا
بس فعلا نفسي الفكرة ده توصل و نحاول كلنا بجد نتغير
حضرتك ده أنا اللي حصوم و كلكم حتقلدوني (:
تحياتي
سلمي
الطبع المكتسب في مدرسه من اصحاب سهل يتغير الا الحاجه اللي البيبي اكتسبها صعب بجد تتغير اللي تربيته ونشاته سليمه مهما كانت الادخالات يوم اما يفوق هيقدر يرجع لطينته بسهوله اما اللي اتربي واتنشا غلط وشاب عليي كدا يوم اما تغيريه هيمشي معاكي سليم شهر اتنين سنه لكن مش هيكون طبعه فيرجع باسرع مايكون
السلام عليكم
حسن حنفي
كلامك تمام جدااااا
بس طبعا أكيد إحنا مش عايزين نكون من تالناس اللس بتستسهل ده و نحاول نتير بإذن الله
طمني أخبار النتيجة و التنسيق و الخوارات ده إيه
تحياتي
سلمي
وشرط عشان التغير يكون سليم انه يكون رغبه نابعه من جوانا مش رغبه في ارضاء الاخرين
السلام عليكم
promise is promise
وحشاني موووووووووووت
لأه بجد مش قادرة أقولك بتبسط أد إيه لما أشوف كومنتك عندي
أنتي اللي حمد الله علي السلامة
رجعتي من السفر أمتي ؟؟!!!
تحياتي
سلمي
السلام عليكم
كيارا
شوفتي يا كوكو مش معقول إحنا الإتنين قاعدين علي البلوج في نفس الوقت (:
عاجبني قوي بجد نقاشك ده
بس بصي بقي يا كوكو
زي مقلتي بالظبط
طبع المكتسب من البيئة الخارجية سهل يتغير
بس المكتسب من البيئة الداخلية صعب
و أنتي قلتيها بنفسك يا قمر
سهل و صعب لكن مش مستحيل
و أكيد حيرجع لطبعه الأول بأسرع ما يمكن بس يرجع يحاول تاني لو المرة الأولي رجع بعد شهر التانية حتكون بعد 2 التالاه بعد 5 و هكذا بس في الآخر حيقدر يطبع نفسه علي الطبع الجدي و هي ده الصعوبة
حبيبتي مفيش فرق
لو كان عندنا رغبة في إرضاء الآخرين أكيد حتكون الرغبة ده نابعة من جوانا للتغير و السبب محاولة إرضاء الآخرين
و هي الحياة كده مش سعات بيقولوا عليها عيشة يعني جاية من التعايش
يعني راحت أو جت محاولة لإرضاء الآخرين
تحياتي
سلمي
بصي ياتوتا وجهه نظري في موضوع نابع منه مثلا واحد هيتغير عشان بيحب بنت وهي مثلا وجهته لانه في النقطه دي ودي مثلا رونج ولازم يصلحها لان بيها الحياه بينهم هتكون مستحيله عشانها وعشان عاوز يكمل الحياه معاها هيحاول بكل جهده يتغير بس هيجي وقت وهيتخنق هيقول دا طبعي دي شخصيتي عايزاني علي كدا او ممكن ينسي ويرجع تدريجي لطبعه
اما اللي بيكونن شايف نفسه غلط لما هيتغير هيتغير عشان هو عاوز يصلح نفسه مش عشان في حد شايفه غلط في حاجه
والموضوع في الاول وفي الاخر سواء كان عشان حد او عشان متاسس صح او متاسس غلط محتاج ارده وعلي اد اردته هيكون التغير اللي ضعيف مش هيكمل واللي ارداته قويه هيتغير
بجد بجد سعدت بالحوار معاكي
كل سنه وانتي طيبه
" إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ"
السلام عليكم ورحمةالله وبركاته
تدوينة رائعة بلهجة محببه وأسلوب جميل لايمل
اختي الفاضلة سلمى
مشكلة أنا كده
أو أنا حر
ودا طبعي
وهيك الله خالقني
للأسف تنم عن شخصية مطيعه لهواها
وللرد على من يدعون صعوبة تغييرهم
نقول لهم:وكيف تغير صحابة رسول الله صلى الله عليه وسلم؟
ألم يكونوا عبّاد أوثان وشاربي خمر ومنهم من كان يأد بناته
فكيف تغيروا؟
هناك حديث وإن كان ضعيف الدرجة لكن يؤخذ به لطالما شرعنا أتى بالأخلاق وكفلها
وهو:
"إنما العلم بالتعلم، وإنما الحلم بالتحلم، من يتحر الخير يُعْطَهُ، ومن يتوقَّ الشرَّ يوقهُ"
من يريد صلاح نفسه بحق فليستعن بالله وليدعوه ويطلب منه أن يكفيه شر نفسه وأن يحسن أخلاقه.
وأقول بذلك عن تجربة لأني كنت عصبية جدا والحمدلله تحسنت عن الأول بكثير بفضل الدعاء.
نسأل الله أن يلهم نفوسنا تقواها وأن يزكها هو خير من زكّاها.
جوزيت خيرا اختي الفاضلة
هذا مروري الأولي لمونتك الرائعة قد اطلعت اطلاعا سريعا عليها وعجبتني أيضا حكاية أصغر مدونة في العالم العربي وأضحكتني تدوينتها عن الفول ههههههه.
دمت بحفظ الرب
موضوع جميل اوى ربنا يجعله فى ميزان حسناتك ويكون سبب اننا نتغير للاحسن كل سنه وانتى بالف خير وصحه وسعاده ياقمر
السلام عليكم
كيارا
تمام
كده بقي وضحت الرؤية
ومتفققة معاكي جدااا في كل اللي قلتية
أنا بقي مش سعدت بالحوار معاكي بس
ده أنا طرت من الفرحة
بجد بجد مبسوطة بيكي قوي و مستنياكي علي طول
و نفسي آخد ميلك
آه علي فكرة كمان أنا تقريبا قرأت كل البلوج بتاعتك بصراحة أنا دخلت زياة عابرة بس إني أخرج مقدرتش أبد إلا بعد قعدت فيها حوالي ساعة كاملة
بجد بجد هااااااايلة
تحياتي
سلمي
السلام عليكم
مسدس صغير
ما شاءالله ما قل و دل
جزاك الله خيرا
فعلا البوست عندي كان محتاج الآية ده جدااااااا
تحياتي
سلمي
السلام عليكم
شموخ الإسلام
منوراني يا قمر
و بجد سعدت بيكي جداااااااااا
و مستنياكي علي طول
علشان أسمع رأي الرائع ده
اللي بجد بجد فرق معايا
ياااه علا بوست الفول ده عجبك
طيب الحمد لله
أنا كمان بحبه جدا علي فكرة
و بحبكم أنتي كمان
إني أحبك في الله
تحياتي
سلمي
اللسام عليكم
طوبة ذهب و طوبة فضة
ده إيه التواضع ده كله
طيب مفيش بلاتين بقي و مجوهرات و حاجات كده
بس معلش بقي سؤال صغنطت هو إيه ده اللي من طوبة ذهب و طبة فضة !!!!!
بجد فعلا أسم جميل قوي ربنا يخليهولك ههههههه
مبسوطة بمرورك قوي ورأي الرائع ده
جزاك الله خيرا
تحياتي
سلمي
تسلمى يا سلمى
بوست رااااااااائع جدااااااااااا
ربنا يجعله فى ميزان حسناتك ويكرمك يارب
لازم فعلا كل شوية نغير من نفسنا لان اكيد فيه حاجات بتضايقنا من نفسنا وحاجات بتضايق الناس مننا
وياريت الكل يبقى كده بيحاول
عشان التجربة تنجح
ويبقى فيه أخد وعطاء ..وحياة
كل سنة وانتى طيبة يا قمر
نورتينى بزيارتك
ورمضان كريم
الله ينور عليكى يا سلمى
ترتيب الخطوات حلو اوى
مش المفروض ان الواحد لما يكبر ويلاقى نفسه ان عنده اخطاء من اثر التربيه يقول انا كده ومش هتغير واهلى ربونى على كده .. يمكن مكانش قصدهم انهم يربوه ويطلعوه بالشكل ده بس هم اكيد مش ملايكه عشان يطلعو ملاك .
دوره هوا كشخص كبير وعاقل وفاهم انه يطور نفسه ويخلى شخصيته احسن واحسن . يعنى القرآن نزل للناس ليه ؟ والاحاديث والسنه وكل الكلام ده ليه ربنا انعم علينا بيه ؟ اكيد عشان حياه افضل ومستقبل احسن ماهى كل حاجه بتتمركز حوالين التربيه والثقافه والتعليم من الدرجه الأولى
كل عام وانتى بخير بمناسبة شهر رمضان
السلام عليكم
حاجات جوايا
و أنتي طيبة يا جميلة
ياريت بجد يبقي فيه أخد و عطاء في حياتنا
ده أمنية نفسي ألاقيها بجد متحققه
نفسي أشوف الناس بتعدي لبعض
و بتتعامل مع بعض في الدنيا علي إها دنيا عابرة ..و يحاولوا يسيبوا فيها ذكري تنفعهم في الآخرة
مش يتعاملوا مع كل تفاهتها
كأنها نهاية العالم
سعيدة جدا بزيارتك الاولي
و في أنتظارك دائما
تحياتي
سلمي
السلام عليكم
محمد عتلم
**************************
يمكن مكانش قصدهم انهم يربوه ويطلعوه بالشكل ده بس هم اكيد مش ملايكه عشان يطلعو ملاك .
****************************
تمام حضرتك ككده قوي بجد
ربنا يكرمك
المعني ده حلو فعلا
يارب بس يبقي في كتير فاهمينه كده
تحياتي
سلمي و سلامي لزوجتك و عيد زواج سعيد
بوست هايل يادكتورة ، احنا فعلا بنسجن نفسنا داخل قضبان ممكن نفضل نخسر بسببها طول عمرنا ، بعد القناعة بتبقى الهمة هى اللى فاضلة علشان التغيير يتحول لواقع
كل سنة و حضرتك طيبة
جزاكِ الله خيرا
وتفع بك الأمه
السلام عليكم ورحمة الله وبركاته بارك اللع فيكي اختنا الفاضلة على هذا العرض الطيب
والموضوع هام ما احوجنا اليه وفي هذا لاتوقيت بالاخص ونحن مقبلون على رمضان وليكن لنا وقفة مع النفس ومحاسبتها ومعرفة عيوبها ولنعالجها في رمضان ولو انني اوصي اخ لي كي يتابعني ويساعدني في التخلص من هذه العيوب وبارك الله فيكم ورزقكم الاخلاص
ورمضان كريم
السلام عليكم
أ/أحمد عبد العال
سعيدة جدا بزيارة حضرتك الأولي
كلام حضرتك مظبوط فعلا
بس نفسي بجد نحاول نطبقة و نغير بجد من نفسنا للأحسن
تحياتي
سلمي
السلام عليكم
مسلمة من أرض المشرق
جزانا و إياكم يا قمر
منوراني
تحياتي
سلمي
السلام عليكم
أبو صهيب
جزاك الله خيرا علي رأي حضرتك الطيب
يا ريت فعلا كل حد منا يتخذ له أخ يثق فيه يساعدة علي التخلص من عيوبة
تحياتي
سلمي
السلام عليكم
سعدت بزيارتي الاولي للمدونه
واعجبتني التقديمه الرائعه
لقد عاهدت نفسي و استحضرت نيتي في بداية إنشائي لهذه المدونة أن تكون.."
بجد مدونه رائعه
وموضوع التغيير موضوع جميل
كل واحد بيحاول يغير الجانب اللي مش كويس فيه
بس المشكله العويصه
لو هو مقدرش يشوف ده في نفسه
انا شخصيا
شايف الحاجات اللي مش كويسه
وبحاول اغيرها
وبتتغير
واكتشف غيرها
وهكذا دواليك
السلام عليكم
بقالى كتيييييير مجتش مدونتك بس غصب عنى والله
وموضوعك كمان رائع ومفيد وححاول معى نفسى كتييير
دمتى فى سعاده
كل سنه وانتى طيبه
كل سنة وانت طيبة
في انتظار جديد رمضان
تقبلي تحياتي
السلام عليكم
أبو العريف
و الله بجد أنا اللي أسعد بزيارة حضرتك الأولي لي
و يارب متكنش الأخيرة
جزاك الله خيرا علي كلامك الرئع ده
فعلا زي محضرتك قلت المشكلة العويصة لو الواحد مكنش شايف أصلا في نفسه مشكلة أصلا
ده تبقي كارثة أساسا ....
السلام عليكم
سلومة
وينك يا قمر
بقي مقول شبتي غيب ني الفترة ده كلها
بس و لايهمك يا جميل
أصلا أي د أسمه سلمي بسامحه علي طول فما بالك أنتي بقي ...
رمضان كريم يا قمر
تحياتي
سلمي
السلام عليكم
د/أحمد لاشين
و حضرتك طيب
و يارب يكون رمضان مثمر للجميع
بس ليه الإحراج ده بس
إن شاء الله ححاول قريب أنزل بوست جديد
تحياتي
سلمي
موضوع قيِّم يا سلمى
سلمت يداك
كل سنة وأنت بخير
أعانكِ الله على طاعته وعلى الصيام والقيام والإستزادة من الخيرات
تحياتي
حضرتك دائما السباقة
فأعدتيني لعالم التدوين
واصبحت كل شوية بأنزل بوستات بس ربنا يجعلها في طاعته
فلماذا تستكثرين ان اطلب منك جديد !!
سأظل مطالبا بحقي كقارئ في مدونتك
نريد جديدا -كعادتك مفيدا- وربنا يكرمك وكل عام وانتي الي الله اقرب وعلي طاعته ادوم
وانتهز الفرصة لعمل دعاية لقناتي الرسالة وقناة انا وخصوصا برنامج الدكتور القرضاوي اليومي بقناة انا الفضائية
السلام عليكم
د/إيمان مكاوي
جزاك الله خيرا
بجد ربنا يكرمك علي الدعاء الرائع ده ربنا يخليكي يا رب
تحياتي أم البنين و عقبال البنات يارب
سلمي
السلام عليكم
د/أحمد لاشين
بجد فعلا حضرتك كده أحرجتني أكتر بكلامك
جزاك الله خيرا علي رأيك ده
إن شاء الله بجد قريب أنزل بوست جديد
بس المشكلة إن رمضان وقته ضيق و أنا بكسل قوي
بس إن شاء الله قريب
أنا أول مرة أسمع عن قنا أنا ده
هي ترددها كام
إن شاء الله أنا ححاول أتابع برنامج عمرو خالد و مصطفي حسني
تحياتي
سلمي
اعملي بحث فقط هتنزل لوحدها
وبرضه منتظر الجديد
السلام عليكم
كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه
وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم
وارزقنا العفاف والرضا - والمحبة واهدينا يا عظيم
وأعنا علي القيام والصيام والصلاة والارتقاءالي جنة الفردوس
واجعلها لنا ميراث خير وسعادة
واجعلنا من عتقاءك في هذا الشهر يا معطي يا وهاب
وارزقنا حلاوة القرآن و حسن تلاوته
وتدبر معانيه وفهمها علي النحو الصحيح
ورطب ألسنتنا بذكرك يا الله
لعل المانع خيرا
د/سلمي
في انتظار جديدك
ولو تطمنينا علي حضرتك
السلام عليكم
حسونة
يارب آمين ...آمين
بجد ما شاء الله علي حضرتك
دعاء رائع
تحياتي
سلمي
السلام عليكم
د/أحمد لاشين
إن شاء الله أعمل بحث و أنزل القناة
آسفة فعلا علي تأخير البوست ...
تحياتي
سلمي
في انتظار جديدك
مش عايزين بوست عن رمضان
عايزين بوست عن سلمي
وهمومها وايه مزعلها
اكيد تعليقاتنا وحشة وضايقتك
عندي فكرة
اعملي بلوج جديد
ومتعرفيهوش لينا
بس برضه هنبحث لحد ما نعرفه
يارب تكوني بخير
ربنا يكرمك
ويسعدك
موضوع جميل
وفكرته رائعة
وسبحان الله يقول حبيبنا النبي ( اما العلم بالتعلم والحلم بالتحلم) حديث
تحياتي ورمضان كريم
منتظروووووووووووووووووووووووووووووون
السلام عليكم
د/أحمد لاشين
******************************
عايزين بوست عن سلمي
وهمومها وايه مزعلها
*****************************
أنا أول مبدأت المدونة ده عاهدت نفسي بجد إني مقدمش حاجة فيها أبدا بلا فائده ...علشان يكون في معني و تأثير من اللي بقدمه فيها ..
و أكيد لو في حاجة في همومي و أحزاني حتحمل معني أو فايده للي بيقراها و متبقاش مجرد سرد و خلاص لخصوصياتي
مش حتردد أبدا علشان أكتبها
تحياتي
سلمي
السلام عليكم
ضكتور جدا
بجد ضكتور ده مستفزة جداااااا بس جديدة
فعلا أقوي تعبير عن البوست ده العلم بالتعلم و الحلم بالتحلم
جزاك الله خيرا و في أنتظارك دائما
تحياتي
سلمي
د/أحمد لاشين
و الله أنا فعلا بجد حاسة كده إني زودتها خالص
و بجد شكرا أنكم مستحملني علي التأخير
بس خلاص بجد حنزله علي طول
تحياتي
سلمي
إنذار وعلي يد محضر كمان
لو منزلتيش بوست النهاردة او بكرة
والله هأنفذ اللي في بالي
وأكيد متوقعة طبعا
:):):)
اكيد هتقولي احسن عشان لوحة المفاتيح ترتاح شوية صح ؟؟؟
بس انا انذرت
واعذرت
لأنه قد اعذر من انذر
صح يا لومي عندك حق
أنا والله قبل ما أقرأ كلامك كنت بفكر نفس الفكرة وأنا بقترح اقتراح عملته قبل كدة ونفع جدا إنك زي ما بنعمل جدول كدة أحيانا عشان مانسهاش عن صلوات النوافل وكدة نحط كل أسبوع صفة في الجدول دة ونعلم عليها يعني مثلا الغيبة والنميمة لو حد عايز يبطلها يحطها في الجدول ولو غلغط وعملها ينقص نفسه واحد ولو كمل -50يختار لنفسه عقوبة مثلا يتصدق بعشرة جنيه تكفيرا عن الذنب دة كدة يعني .
هو بس الموضوع محتاج مننا صببر ومجاهدة نفس
وربنا يجعله في ميزان حسناتك يا رب ويرزقك الإخلاص
السلام عليكم
د/أحمد لاشين
للأسف بقي أنا فعلا مش متوقعة خالص
هو حضرتك حتفيرسلي الكي بورد و لا إيه!!!!!!
بس بجد و الله أنا آسفة فعلا علي التأخير
تحياتي
سلمي
السلام عليكم
فجر
إيه التفانين ده يا بنتي
حلوة بجد الفكرةده
إن شا ءالله أعلها
مبسوطة جداااااا إنك عملتي بلوج
و إن شاء الله بجد تكو ن بلوج جااااااامدة مووووووووت
و تكون في ميزان حسناتك ياااااااارب
تحياتي
لومتك
كنت بأفكر اعتزل الكي بورد
في التدوين يعني
ربنا يكرمك
الله موضوع رائع
سلمت الايادى
فعلا
إحنا لانمتلك ثقافه التغير
ولكن نمتلك التكيف مع الوضع الراهن
تحميل شاحنة الأثاث بالتخطيط والعناية المناسبين سوف يسهل كثيرًا من مهمة التفريغ، هناك بعض الأشياء التي يجب مراعاتها أثناء تفريغ شاحنة نقل الأثاث وهي:
الحذر الشديد عند فتح البوابات الخلفية للشاحنة لأن حركة العناصر داخل الشاحنة طوال الطريق يمكن أن يؤدي إلى تكدسها عند البوابات مما قد يؤدي إلى سقوطها.
يجب توقيف شاحنة الأثاث بالقرب من مدخل المنزل قدر الإمكان والتأكد من عدم وجود عوائق في الطريق تؤدي إلى خر التعثر.
يتم إخلاء الطريق المؤدي إلى المنزل وفتح البوابات الرئيسية.
نقل كل صندوق مباشرة إلى مكانه حسب التوجيهات المدونة عليه .
شركة نقل عفش بمحايل عسير
شركة نقل عفش من خميس مشيط الى الرياض
شركة نقل عفش من ابها الى الرياض
شركة نقل عفش من جازان الى الرياض
سماء المملكة
إرسال تعليق