الجمعة، 2 يوليو 2010

تفاصيل إعتقال أبي


السلام عليكم ورحمة الله و بركاته

شاء القدر ان اكون شاهده علي مهزله تعيشها عدد لا بأس به من الأسر

بل وشاء أن أري و أتعايش مع تفاصيل هذا المشهد الأسطوري كاملا ...ربما لم يحالفني الحظ

سابقا من مشاهده هذه الواقعه _بالرغم من تكرارها في منزلنا _و لكن سبحان الله كنت انام

قبلها بقليل و أستغرق في سبات عظيم يفصلني عن مشاهده ما لم اكن اتخيل يوما أنه بهذه

القسوه و كنت أتعجب كثيرا ...ربي أما آن الأوان أن أشارك أسرتي هذه اللحظات الثقيله و لكن

سبحان الله ..فإنها رحمته الواسعه كانت تغمرني و لم أكن أشعر

فبالفعل لا يكلف الله نفسا إلا و سعها ...فإني أدركت ذلك كثيرا بعد هذ اليوم المشؤوم فقد

كانت الصدمه علي كبيره جدااا و تأثري بالموقف شديد للغايه ...و لكن بما أنه قد حدث ما حدث

و كان ما كان و صرت أنا شاهده عيان

فأشهد يازمان بما كان ....فسأسطر عليكم الموقف بتفاصيله لتسجله ذاكرة الأيام و لعلمي الشديد ببعده العميق عنكم و عن حتي مخيلاتكم

و لكني صممت علي المخاطرة بإعلامكم ...لتعلموا و تدركوا معي أين نحن ؟!......و أين نعيش ؟!...و في اي بلد ؟!....و تحت أي نظام ؟!!..فأنتم تعلموني منذ زمن ...هل أنا كائن غريب قادم

من المريخ ..أم أنا وحش هلامي يتخفي بينكم ...فأنا منكم و مثلكم ..."عاديه يعني "

من أتحدث عنهم هم زوار الفجر "محبي الظلام ""جبناء النهار "......فهم من يتسحبون في

وسط الليل لينفذوا مهماتهم اللي ضد القانون ...طبعا فإن كانت معه فما الذ ي يضطرهم للتخفي من أعين الناس و القيام بأوامرهم العليا سرا ....

و قبل أن أبدأ .. سأجيب علي هذا السؤال الذي يعتصر أذهانكم ..حاليا ...لماذا ؟!!!!!!

فقط لأن أبي شارك في مظاهرات و حمله خالد سعيد ...فقط لأن أبي ذهب لمناصرة البرادعي ؟؟؟فقط ...فقط

فيا أيها العالم اللعين ...البعيد عن أي موقف عظيم ...تجنب المظاهرات ..أياك و إبداء رأيك عش في سلام و سلبيه أمشي جنب الحيط و أنت بتتلفت حواليك ....أوعي تفكر تغير

...أوعي تفكر في الأحسن لبلدك فإياك أن تتخيل أنك مواطن شريف في بلد ديمقراطي ...فأنت مواطن محروم من أبسط حقوقك في هذا البلد الغير ديمقراطي بالمرة

فهذه هي خلاصه ما ستستنتجونه معي و لكن دعونا لا نسبق الأحداث


الساعة الواحده فجرا ...تدخل أسرتي منزلها بعد يوم طويل و شاق خارج المنزل

الساعة الواحده و النصف ..يتم طرق باب المنزل و الجرس في عنف غريب
آيه أختي كانت تقف في البلكونه ...تقول مفيش حد طلع العماره أصلا

فقد أتضح فيما بعد أنهم قاموا بركن البوكس في الشارع الخلفي و تسحبوا شخصا شخصا تحت


البلكونات كي لايراهم أحد ...ليه بقي ...هما حراميه حاشا لله ؟؟!!!!

و لكن كانت هذه اللحظات هي اصعبها علي لأني أكبر أخوتي ففكر ذهني في مليون حاجه مع بعض
نرجع ثانيا .....
علي الباب ...إصبع لعين يقوم بتغطيه العين السحريه .. أنا :مين من خلف الباب :أفتحي
أنا :أفتح إزاي مش تقولي أنت مين ؟ أنت عارف الساعه كام حضرتك ؟

أنا فعلا كنت فاكراهم حراميه بجد أو ناس مغيبه الوعي ...مكنش في علي الساحه أي أخبار

إعتقالات أو غيره علشان أبقي متوقعه الموقف ده

المهم انا مين تاني لا أري شيئا فالعدسه مغلقه ...اللي علي الباب أصوات ناس كتييير أفتحي يا

ماما بسرعه مباااااااااااحث -و كنت قد أدركت الموقف قبلها حين تحرك هذا الإصبع اللعين لأري

علي الباب مالايقل عن 7-8 من الأمن المركزي بالزي الكامل و الأسلحه اللعينه و ظل عقلي يعمل بسرعه غريبه في الخطوات الواجب أتخاذها حاليا :
1-طمئنه إخوتي الصغار
2- إيقاظ أبي اللي يعيني كان لسه داخل ينام من شويه
3- إرتداء أسدال الصلاه لكل بنات المنزل هما مش ضيوف حيكتفوا بالصالون بس البيت كله كمان دقايق حيبقي تحت أمرهم
2- إخفاء الموبايلات و الذهب و أي مبالغ ماليه و كل المتعلقات الثمينه لإننا بنتعامل مع حراميه محترفين اللي حيشوفوه أدامهم عليه العوض و منه العوض خلاااااااااص
و بعد مالباب أتفتح المشهد كالآتي :

داخل المنزل :1- ظابط غتييييييييت لابس بدله ...حديث التخرج ...قايم بدور الشرير
ظابط آخر بزي مدني قايم بدور الطيب


علي الباب 5 أمن مركزي

علي بابا العماره :2 آخرين لمنع دخول أو نزول أي حد من العماره ...و كل ده ليه علشان فكرنا نعترض علي اللي حصل لخالد سعيد ....
الأحداث :
أبي ينادي علي أنا و إخوتي جميعا ...تعالوا يا حبايبي تعالوا شوفوا عمو داخل علينا البيت

إزاي تعالوا شوفوا علشان تعرفوا إحنا عايشين فين و يخاطب الظابط :أصل إحنا المفروض

عايشين في بلد ديمقراطي و يأخذ اخي عبد الرحمن "2ب"بص يا حبيبي عمو الي واقف بره

البيت لابس إيه شفت جاين يآخدوا بابا إزاي ...ده العادي في بلدنا يا حبيبي

و بعدين يسأل الظابط فين أمر القبض علي الظابط أتفضل ألبس يا أستاذ عصام و لما تيجي

حتعرف كل حاجه بابا :أمر القبض ..مش المفروض قانون الطوارئ الجديد في حالات الإرهاب و

المخدرات بس و لا إيه و بعد محاولات عديده مفيش إذن نيابه أصلا ...فبابا قال للظابط أنا داخل ألبس و جاي معاك بس بمزاجي خد بالك انك معكش إذن أنك تخدني أصلا ..

فدخل أبي يلبس و يحضر شنطته و أنا و إخوتي في الخارج مع الظباط ...أنا للظابط الشرير

...بصراحه النهارده يوم غريب من أوله ..إحنا بره من أول اليوم و العجله أتسرقت و فلوس ضاعت و ختمت بيكوا ..هو يوم باين من أوله

الظابط الشرير بأستهزاء ...بيتعب بابا صح ...أنا بتحدي :طبعا بيتعب جدااا
الظابط الشرير :و بيتعبنا معاه
أنا :انتم اللي تعبين نفسكم علي الفاضي

أنا مخاطبه الظابط الشرير :طيب أتفضلوا أقعدوا يعني لو تحبوا تشربوا حاجه كمان مايه ...عصير
الظابط :شكرا

أنا :لأه بجد و الله عادي يعني أصل إحنا للأسف أتربينا علي كده لازم نكرم ضيوفنا حتي لو

داخلين علينا الساعه 2 بليل يآخدوا بابا و يقتحموا البيت ..فللأسف مضطره برده أعتبركم ضيوف ...هااااااه تشربوا إيه و طلعت للعساكر اللي بره و سألتهم نفس السؤال فقالوا شكرا و هما مستغربين الموقف جدااا و بيضحكوا

أنا :خلاص براحتكم ...بس بجد معرفتكوش حاطلني إيدكم علي العين و عايزني أفتح

...بتستخبوا مني يعني طيب قلي أنا حفتحلكم إزاي شيل إيدك من علي العين ..حفتحلك علي طول

الظابط :إحنا آسفين معلش طبعا ده الطيب

أنا و كل الحوار اللي جاي ده مع الطيب لأن الشريرأخد يتجول في الصالون و يطلع البلكونه و

يجري العديد من المكالمات ...
أنا :طيب قلي في إيه

الظابط :صدقيني مفيش حاجه ساعتين ..تلاته و حيبقي عندكم أنتي بس مش فاهمه
أنا :طيب فهمني

الظابط :متقلقيش

أنا :طيب حط نفسك مكاني مش أنت برده عندك ماما و بابا و أخوات ناس عادين زينا برده و لا إيه
الظابط :آه طبعا

أنا :طيب تخيل كده الساعه 2 بالليل ناس بيقتحموا بيتكم علشان يآخدوا باباك تعمل إيه
الظابط :مشيرا بإصبعه للسقف

أنا :طبعا فهمت أنها أوامر عليا بس أستهبلت و قلتله ربنا عليكم يعني و لا إيه

الظابط :علينا كلنا أنا :طيب أنا أسمي سلمي و عرفته علي إخواتي كلهم ...مين حضرتك بقي
الظابط :احمد و بعد تردد طويييييييل شكري

أنا :مباحث برده "أصله كان مرتدي زي مدني "
الظابط :يعني

أنا :طيب بابا نازل معاكم دلوقي بمزاجه...أنتم معكوش أمر نيابه يعني إحنا بادين الموضوع ودي فزي مبدأناه ودي ممكن نكلمه ودي و تديني رقم تليفون أطمن من خلاله علي بابا
الظابط :أستاذ عصام نازل نازل

أنا :بمزاجه بس حينزل بس أتصدق حظي حلو قوي المرة ده أنا كان نفسي أشوف اللي بيحصل أصلي كل مرة ببقي نايمه
أول مرة أشوف الموقف ده بس مكنتش متخيله أنه حيبقي بالمهزله ده

الظابط الشرير ...الظاهر بقي حس إن أنا لسه مشفتش حاجه و حب يوريني الموضوع علي أصوله

فإذا بي أفاجئ به يقتحم المنزل فعليا متجه لحجرة ابي و أنا طلعت أجري وراه انت رايح فين ...أستني لما بابا يطلعلك طبعا هو مش معبرني و بيتمشيي في البيت كإنه بيتمشي في

بيت أبوه و في اللحظه ده كل العساكر اللي كانوا علي الباب دخلوا الشقه هما كمان .....
ساعتها بقي حسيت بجد بعدم الأمان ...حسيت فعلا إن بيتنا بقي مداس لأي حد

طبعا هوكان قاصد أنه يستفزني و يمشي ببرود و يقلب كل اللي يقابله و يتفحصه بأطراف أصابعه ببرود مبالغ فيه ثم يلقيه علي الأرض ....و بدأصوته يعلي جدااااا ....أستاذ عصام

بطاقتك و موبايلك و الكمبيوتر فين ...و بدأ يفتش حجرة أبي و يفتح الأرفف و ألأدراج بمنتهي

السفاله و يقلب محتوياتها بمنتهي الوقاحه ....و أمي تصرخ في وجهه مش معقول كلام البنت يستفزك يعني .....

ثم نزل أبي معهم و أنتهي الموقف علي كده ...بالرغم من إني كنت شديده تمالك الأعصاب أمامهم ......بالرغم من إني و الله رأيت الخوف في أعينهم وعندما أفتحم الشريرغرفة أبي و

جريت خلفه جائني الظابط الطيب بسرعه ليقوم بتهدئتي ...و يفهمني أنه مجرد إجراء روتيني ...طيب ليه ...يفهمني ليه و يهديني ليه أصلا ...و الله كانوا أجبن مما كنت أتخيل

......علي الرغم من محاوله الشرير لإخافتنا و كان راسم نفسه علينا علي الآخر بالرغم من أنه كان يتمتع بأبشع الصفات اللي في الدنيا كلها كانت مجتمعه فيه

بالرغم من أنه كان يتحدث بمنتي الغباء و السفاله اللي في الدنيا بالرغم من أنه كان يتحرك

في منزلنا محاولا أن يرينا أنه يهين المنزل و يهيننا بكل ما اوتي من قوه إلا أنه و الله كان أعظم مثال للآيه "....و ألقي في قلوبهم الذعر ...."

و بالرغم من إني اول مرة أشاهد موقف مماثل ...و خوفي الرهيب علي أبي ...و أستفزازي

لدرجه فوق الخيال كنت لا أشعر بأي شئ و هم متواجون في المنزل بابا قالي في أول جواب و

صلنا منه إن الظابط كان حيتجنن من كلامي ...لكن فعلا و الله أول مقفلت الباب وراهم لم أستطع تمالك نفسي أنهرت بمعني أنهرت

ظللت أبكي بكاءا لم أبكيه طوال حياتي ...بكاءا بمراره

ياربي إيه الجرم اللي أرتكبناه ...علشان يحصل فينا كده ...غلطنا في إيه
بس فعلا من هذه اللحظه و هذا المشهد مسيطر علي تفكيري تماما ...لا استطيع إزالته من مخيلتي ...و تعهدت أنه من هذه اللحظه سأكرث نفسي فقط للإنتقاااام ...نعم للإنتقام .

..حتي و إن كان أضعف ما يمكنني فعله الدعاء عليهم ....ياربي أنت تعلم الظلم الذي تعرضنا له اللهم أرنا فيهم عجائب قدرتك ...أليست دعوة المظلوم مستجابه ...فكيف سيعيش هذا

الشر بعد الآن كيف سيتمكن هذا لظابط الشرير من متابعه حياته بسلام ...إن كان هناك مثلي الكثير يدعون عليه بحرمانه من أي راحه في الدنيا حتي راحه البال و أن تكون حياته يارب مثالا

للمصائب و الإبتلاءات ...و عبره لمن هم مثله كيف سيستطيع أن يغمض عينه ليلا ...يارب أري الإنتقام فيه فقد ظلمنا حقا بالطبع ليس هو فقط فإنها مسأله نظام لكن بالنسبه لي فقد أصبح الظلم متمثل فيه

و لكن ما سيجنني حقا ....و أحتاج منكم أن تجيبوني لأرتاح ....
أي جرم أرتكبته أبي
مش كلكم ثرتم لخالد سعيد و لاااااااا
مش كلكم برده مأيدين البرادعي


مطلوب مني انا و إخواتي بعد الموقف اللي عيشنا ها ده إزاي نقدر نحب البلد ده إزاي نقدر نشعر بالأمان فيها ...و أبي معرض في أي لحظة أنه ميبقاش معانا


لم أقص عليكم قصتي لأسمع تعاطفكم
لكن عشان نفوق بقي و نعرف
إحنا عايشن فيييييييين ؟؟؟؟!!!!!!

ده لينك الخبر
http://www.ikhwanonline.com/Article.asp?ArtID=67279&SecID=211
2-

هناك 39 تعليقًا:

د/على خميس يقول...

السلام عليكم و رحمة الله و بركاته
حسبنا الله و نعم الوكيل

ليس السامع كالمشاهد

إن الله لا يغير ما بقوم حتى يغيروا ما بأنفسهم

أسأل الله لى و لك و لأبيك و لسائر المسلمين الفرج بعد الشدة و اليسر بعد العسر

د / محمد صبرة صيدلى دفعتى 2000 ...تعرفيه؟
لو تعرفيه بالله عليك وصلى سلامى له!!
بارك الله فيك

حياتي كلها لله يقول...

السلام عليكم

جزاك الله خيرا
لأه و الله معرفوش أكيد تشابه أسماء

قلم رصاص يقول...

السلام عليكم

واقعه رغم كونها حدثت واقع وانتي تقصيها بمنتهى الامانه الا اني شعرت وكأني امام فيلم سينمائي من ايام البوليس السياسي..توفيق الدقن والناس دي

انا بقدر حزني العميق عما حدث لوالدك ومايحدث لغيره من الأبرياء على ارض مصر ، الا اني في قمة سعادتي وانبهاري بموقفك وتصرفك تجاه هؤلاء البلطجيه المتخذين من زي الوظيفه الرسميه اللي مفروض بها حماية المواطن ، ستارا للتنكيل بالعباد

حاجة تجنن فعلا والله وبقت غير محتمله وكأننا نعود بسرعة البرق الى عصور الظلام الدامس ايام مجتمعات الساده والعبيد !

رسالتك وصلت يادكتوره سلمى وبالتأكيد كلنا واعيين من زمان على اللي بيحصل في البلد من شرقها لغربها ومن جنوبها لشمالها منذ سنوات وان كانت الفتره الاخيره كشر النظام عن انيابه بشكل فاق التصور

لكن هيهات هيهات فدوام الحال من المحال ولازم كل واحد قاعد على كرسي يفهم كويس ويستوعب انه لو كان دام لغيره مكانش وصل له

ان شاء الله الجي احسن انا متفائل رغم قتامة الأحداث وضبابية الصوره

لكن ايه اخبار الوالد دلوقتي.. خرج ولا لسه؟

أسأل الله العظيم ان يفك كربه وان يعود لكم بسلام في اقرب فرصه

تقبلي مروري وتحيتي

مدحت محمد يقول...

اللى هيعلق هنا هيتعلق ولا ايه نظامه

بقينا بجد فى عصر العبودية والاذلال

اما موضوع الديموقراطية ده

فهو موضوع وهمى

اللهم انك انت الملك المنتقم الجبار المذل القهار تؤتى الملك من تشاء وتنزعه ممن تشاء
انزع الملك ممن اساء

وصلى اللهم على سيدنا محمد واله وصحبه وسلم

مدونة عمار اون لاين يقول...

السلام عليكم

فك الله اسر الولد

اقتراح

صورة صغيرة لوالدك وتحتها اي كلمة تدعو للإفراج عنه .. وابدأي بها حملة في كل الدنيا ع النت .. الفيس وتويتر والمدونات التانية بتاعت صحباتك والميلات ... الخ

وحينما تجهزيها ... اخبرينا ... ونحن خلفكم ان شاء الله الي ان يفك الله اسر الوالد

سلام الله

غير معرف يقول...

مش عارفة اقول غير حسبى الله و نعم الوكيل و االلهم اضرب الظالمين بالظالمين

حفيدة عرابى يقول...

مكدبش عليك
ماقدرتش اكمل قراءة
يمكن مرة تانية اقدر اكمل وصف مأساة زى دى

وللاسف معنديش كلام كتير اصبركم بيه
لكن ربنا كبير

د/على خميس يقول...

السلام عليكم
فكرة الأستاذ عمار جيدة و لو نفذتيها أنا هعلن فى المدونة عندى و معاك إن شاء الله
بارك الله فيك

المجاهد الصغير يقول...

السلام عليكم
حسبنا الله ونعم الوكيل
الحكومه عوزانا نايمين والى يصحى يعوض عليه ربنا
حسبنا الله ونعم الوكيل
وجعله فى ميزان حسناتكم
ويخرج والدك بالسلامه سالم غانم
ولا نسكت ابدا
صبر الله قلبك وقلب اخوتك ووالدتتك

غير معرف يقول...

بنى الله للاخيار بيتا سماؤه هموم وحيطانه الضر
وادخلهم فيه واغلق بابه وقال لهم مفتاح بابكم الصبر
حسبنا الله ونعم الوكيل
ربنا ينتقم من الظلمة ياااااااااااااااااااااااااااااااارب

صبرا اختنا

بيطرية ومش بايدى يقول...

السلام علي من اتبع الهدى
ازيك ياجميل
والله وحشانى اوى
والله ماكنت اعرف انك رجعتى
حمد الله على سلامتك
انا الصراحة معنديش اى كلام اقوله
غير حسبى الله ونعم الوكيل
وربنا قادر على كل ظالم قادر يكويه ويمحيه من على وجه الارض
بس هنعمل ايه يابنتى
المشكلة ان اغلبية الشعب المصرى ماشى
بنظام من خاف سلم
يعنى خلينى فى حالى وانا مالى
وهو ده اللى الحكومة عايزاه
طب تصدقى بالله ياسلومة
انا جيت فى مرة كتبت بوست عشان غزة وفلسطين ايام الحصار من زمان اوى
وكنت حاطة صورة كده فيها شتيمة للحكومة
يالهوى على عيلتى عملوه فيا انتى اتجننتى انتى مش عارفة انهم بيعرفوا عنوانين الناس دول وبيجيبوهم وياخدهم وعملولى افلام هندى
اهم دول اتربوا على كده وعايزين يربونا على كده
بس الصبر حلو
وبكرة هيجيى اليوم اللى هنعرف نربى عليه ولادنا صح مش زى مااحنا اتربينا

بس اقولك على حاجة كمان
انتى لو ماحبيتش البلد دى
مش هتعرفى تصلحيها لو ماحبيتهاش مش هتعرفى تعيشى فيها
لازمن تحبيها عشان هى دى البلد اللى ربنا اختارها لك تصلحيها
مش انتى وظيفتك زينا اعمار الارض
هى دى الارض اللى المفروض تعمريها
مش كده ولا ايه
وان شاء الله عمو راجع قريب واكيد ربنا هينتقملك منهم الكلاب دول
وان شاء الله هيرجع قريب
انا عندى احساس بكده
وان شاء الله كمان ربنا هيورينا فيهم يوم ده يمكن طول الاسبوع
طولت عليكى فى اول زيارة
معلش
فى امان الله ياحبيبتى

زينب علي حبيب يقول...

ربنا العالم ردة فعلي إزاي ...


بجد لا حول ولا قوة الا بالله

بحيي فيكي شجاعتك


يا ريت لو تطمنيني عليييييييه ... بتكلم بجد ... أي أخبار عنو متبخليش علينا بيها ... ربنا يفك اسروووو ياااااااا رب

ahmed_k يقول...

حسبنا الله ونعم الوكيل
فعلا صدق المثل ياما في الحبس مظاليم
فقد أصبح ما نسمع عنه فوق الوصف وفوق الخيال
وكما قال أحم من علقوا قبلي فقد شعرت أيضا بأنه كفيلم من افلام البوليس السياسي والتي كانت تعرض بغرض إظهار مساوئ العهد الملكي ومظالمه
وأصبح اليوم من ينتقد كمن انتقده من قبل .... ولا حول ولا قوة إلا بالله
صبركم الله يا اختي ولطف بأبيكم
وبإذن الله يكون الان بأمان وبينكم
وبالنسبه للسطر الأخير نعم جميعنا تضامنا مع الشهيد خالد أما أمر الدكتور البرادعي فليس كلنا ففي هذا الأمر نظر

وتقبلي خالص تحياتي

كلمات من نور يقول...

حسبي الله ونعم الوكيل ........فعلا أي حب و أمان بعد كل اللي حصل ..ربي يخفف عنكم وعن الجميع ونفوق بقى ...

غير معرف يقول...

السلام عليكم:
انتي مش عاوزة تسمعي تعاطف ماشي.
انتي بتسألي نحب البلد ليه.
انتي و الأستاذ صبرة بتحبوها و هاتفضلو تحبوها طول عمركو غصب عنكوا علشان ده المكان اللي انتي عايشة فيه و من مصلحتك في الأساس انك تحبيه يكون أفضل، لو مش دلوقتي يكون أفضل في المستقبل لولادك و أحفادك ان شاء الله.
الفكرة ان كل واحد بيحب البلد بطريقته، و الطرق دي مختلفة و ممكن نتكلم فيها بس دا مش الموضوع دلوقتي.
المشكلة أكبر من رجال الأمن و من البردعي و من الحكومة و من رأس السلطة نفسه، هو كمان مش أكتر من موظف بيطيع أوامر اللي أعلي منه و بيدافع عن بقاؤه في وظيفته و عاوز يوظف ابنه في نفسمكانه زي ما بيعمل أصغر موظف أو دكتور في الجامعة، و شايف ان أي حد هايجي غيرهم هايعمل حاجة من الاتنين با اما هايكمل المسيرة بتاعته بنفس الطريقة (و في الحالة دي مش هايكون فيه فرق)، يا اما هايعمل لمصلحة البلد-اللي هاتتعارض مع مصالح حكامها الأصليين في الخارج(أمريكا و أوروبا و اسرائيل)- و ساعتها لازم هايكون فيه الغاء معاهدات و اتفاقيات ماكنتش في صالح مصر و بالتالي توتر علاقات و عقوبات و ممكن حصار أو حروب و هو عارف ان الناس أكيد مش هاتكون عاوزه حصار و لا حروب هما عاوزين يعيشوا و خلاص.. اللعبة كلها في ايد الحكام الأصليين و هما أقوي بكتير و ثبتوا أقدامهم في البلد و كبلوها بقيود كتير اللي هايحب يفكها لازم هايقوم بمواجهات غير متكافئة، فهل الناس فعلا مستعدة لكده و مستعدة لتحمل سيناريو ممكن يكون أسوأ و لا هما شايفين ان من الأفضل يمشو جوه الحيط و يعيشوا عيشة الموت أحسن منها زي ما هو حاصل دلوقتي؟
ان شاء الله الأستاذ عصام يرجعلكو بالسلامة
حازم

جايدا العزيزي يقول...

حسبنا الله ونعم الوكيل


طبعا انا عارفه احنا عايشين فين


عايشين فى ذل وهوان


ما حدش يقدر يقول لا


قلبى معك


تحياتى

mido يقول...

الحمد لله بابا خرج بالسلامة

و اسف لسه واخد بالى من البوست

بس تابعت اخبار المعتقلين

أبو أحمد الحسنات يقول...

صبرا جميل والله المستعان



نحن في زمن الصهاينة .... وهذا الزمن آن وقت أفوله

وما النصر إلا صبر ساعة

غير معرف يقول...

اناايضا تم اعتقال والدى من قبل لكنى كنت نائمة ولكن سمعت ماحدث انهم اناس بلا قلب ولا رحمة اخذوا كل مافى المنزل واخذوا يقلبونى واخوتى على مضاجعنا وكاننا بلا احساس وانتهكوا حرمات المنزل وعاملوا ابى كالقاتل او السارق بالرغم من انى اعلم ان حذائه برقبة رئيسهم ايام الرسول كان العرب يقولون لابى لهب ادخل على محمد واقتله فى الليل وهو نائم رفض حتى لاينتهك حرمة بيته ولا يرى زوجيه هذا ابو لهب الكافر .سبحانك يا رب

غير معرف يقول...

باى حق تفعلون هذا ان اباءنا لم يرتكبوا الجرائم كل ذنبهم انهم يعبروا عن ارائهم بحرية ويريدون ان ينشروا الديمقراطية فى بلد بلا ديمقراطية ان كان هناك من يحاكم ويجن ويعتقل فهو انتم ايها الحكومة الفاسدة الظالمة.حسبى الله ونعم الوكيل فى كل ظالم

غير معرف يقول...

:) عفوا
هذا قليل من كثير والوعاء النتن المغطى قد انكشف ولكن الشعب (سايلانت)لا اقول كل الشعب ولكن بعضه -- نسأل الله أن يعود أباكم سالما غانما من كل سوء ليرسم علي وجوهكم الطيبة البسمة مرة اخري وصبرا فإن لكم الأجر والثواب

د/ أحمد لاشين يقول...

فك الله اسره ومعذرة علي التأخير الشديد في الرد التقصير الاشد في المتابعة

فجر يقول...

مي:
ياااااه
اللي حكتيه دة تقريبا أهون بكتيييييييير من اللي بسمعه عند ناس تانية
بيدخلوا يكسروا السيراميك ويكسروا العفش ويطلبوا موبايلات البيت كله والكومبيوتر من غير ما حد يستفزهم ولا حاجة
ولو حد نايم بيدخلوا يصحوه سواء ؤاجل أو ست مالهمش دعوة لابسة ولا قالعة
وبجدحسبنا الله ونعم الوكيل
أكييييد في ميزان حسناتكو
بس يا سلمى اهدي شوية معاهم ماتعمليش كدة تاني وتسفزيهم لوحصل دة تاني لا قدر الله ويا رب مايحصلش كدة تاني
عشان هم مش بيراعوا ربنا وممكن يضايقوا باباكي جامد

غير معرف يقول...

السلام عليكم ورحمة الله وبركاته

مفيش جديد لسه برده ما زال والد حضرتك خلف القضبان

ربنا يحفظه ليكم يااااااااااااارب

كلمات من نور يقول...

عيد سعيد يا فتاتي

ترى كيف حالك وكيف الوالد؟

أسال الله أن تكونوا بخير حال

Special Designer يقول...

سلام عليكم ورحمة الله وبركاته

أختي والدك رجل ايجابي وهذه جريمة لا يسامح عليها القانون
-------------

أنا فعلا ليا تعليق على كلام حضرتك بعد تعاطفي الشديد لك ولأبيكي الغالي
لأننا تعرضنا لهذا الموقف مرارا وتكرارا
و آخر مرة عندما ذهبنا لزيارته فتشنا تفتيشا ذاتيا وكانوا جايبين راجل لابس لبس مخصوص قال يعني متخصص تفتيش
فضربت ايده وقولتله انت ما تلمسنيش
وطلعتله اللي في جيبي وقولتله معيش سلاح ما تخافش

لذا أريد أعلق على كلام حضرتك وأريد أن يتسع صدرك للنصيحة

أؤيدك أن ما حدث ظلم وظلم يؤثر في قلوب من حضروه
ولكن أولا الكلام باستفزاز مع الضباط بيطلع هناك على الوالد
والوالد استحالة يبوح بده

ثانيا يا أختي أرى أن قضيتنا الأساسية هي الدعوة ومحاربة الأعداء ونصرة المسجد الأقصى فلا تجعلي هؤلاء يشوشون على هدف الاسلام الرئيسي
فلا تعيشي لكي تدعين عليهم أو تنتقمي بأي وسيلة

أتمنى مثلك تماما أن يتغير هذا النظام الفاشل
كله على بعضه فاشل من أوله لآخره

من أصغغغغغغغغغر المشكلات لأكبرها يكون سببها الرئيسي ان النظام الأساسي فاشل

مثلا مثلا من ضمن الحاجات متوسطة التأثير
ما حدث في منطقة الفلكي

القانون ما ينفعش فوق ستة أدوار
الناس بتبني أكتر
وشبكة الصرف بتاعة الفلكي ضعيفة ما تستحملش العدد المهول اللي في الفلكي ومواسير بتاع 6 بوصة

اللي حصل ان الناس بتبني فوق المسموح
فالشبكة بتاعة الصرف ضربت وغرقت الفلكي كلها
الناس عملت مظاهرات هناك عشان الحكومة مش بتصلح
وراح جي المحافظ هدم عمارتين كااااااااملين تأديبا لكل الناس اللي بيبنوا
طبعا كلهم وقفوا بناء
طيب بصي للموضوع
حتلاقي الناس غلطانة انهم يبنوا كتير على شبكة ضعيفة
بس يسكنوا فييين ؟؟
وياكلوا عيش ازاي ؟
والمحافظ كذلك الشبكة ضعيفة ما ينفعش الناس تبني

الأساس ان النظام الرئيسي بايظ
في حاجة اسمها شبكة صرف ضعيفة ؟
والحكومة مش بتصرف على الناس الغلابة دي
؟
فمش حتعرفي تغلطي حد لأن الأساس بايظ

المقصد من كلامي يا أختي أن لا تجعلي الناس دي يحركوا فكرك عن قضيتك الأساسية وهي حمل الدعوة ومقاومة أي فساد
وأيضا حاجة مهمة ياريت الكلام ده ما يأثرش في نفسيتك لكي تكوني دفعى لشريك حياتك بأن يخدم الدعوة مثل والدك وأمثاله من الشرفاء

ومعذرة على الاطالة :)
special designer

Special Designer يقول...
أزال المؤلف هذا التعليق.
Special Designer يقول...
أزال المؤلف هذا التعليق.
غير معرف يقول...

ثقافة الهزيمة .. العتبة الخضراء‏

و تقول الحكومة المصرية التعيسة أنها تسعى لبناء أربع محطات نووية بحلول عام 2025، على أن يبدأ تشغيل أولاها في 2019 ، وأن يضيف البرنامج النووي الجديد ما يصل إلى 4000 ميجاوات !!! علما بأن تكاليف بناء 4 مفاعلات نووية حوالى 20 مليار دولار.

و نشرت جريدة المصرى اليوم فى 20 سبتمبر 2010 تصريح د.حسن يونس وزير الكهرباء و الطاقة جاء فيه سيتم إيفاد 67 مهندساً مصريا إلى كل من الولايات المتحدة، وروسيا، وفرنسا، وكوريا الجنوبية، للتدريب على التكنولوجيا النووية. وبالفعل هذا مفيد لأرسال الأصدقاء و المعارف فى رحلة مدفوعة الأجر على حساب الشعب المصرى الفقير. ..تكلفة مفاعل نووى جديد يبلغ 5.52 مليار إيرو ، و 300 من مراوح توليد طاقة الرياح تنتج ما يعادل مفاعل نووى و تتكلف 900 مليون إيرو فقط!!!

باقى المقال ضمن مقالات ثقافة الهزيمة بالرابط التالى
www.ouregypt.us

Unknown يقول...


جزاكم الله خيرا"

شركه تنظيف

Unknown يقول...


thx

كشف تسربات المياة
غسيل خزانات
شركة نظافة عامة

mekho matrix يقول...
أزال المؤلف هذا التعليق.
mekho matrix يقول...

بارك الله ف عملك





العاب

اخبار السيارات يقول...

thank you

اخبار السيارات

نظافة مثالية يقول...


شركة تنظيف بالقطيف
شركة تنظيف منازل بالقطيف
شركة تنظيف مجالس بالقطيف
شركة تنظيف كنب بالقطيف
شركة تنظيف مطابخ بالقطيف
شركة تنظيف خزانات بالقطيف

شركة مكافحة حشرات بالقطيف
شركة مكافحة النمل الابيض بالقطيف
شركة كشف تسربات المياه بالقطيف
شركة شفط بيارات بالقطيف

afaf elgamal يقول...

شركة تنظيف خزانات بالرياض مع العزل والتعقيم

شركة عزل اسطح بالرياض
شركة مكافحة حشرات بالرياض
شركة كشف تسربات يالرياض
شركة تنظيف فلل بالرياض
شركة رش مبيد بالرياض
شركة نقل اثاث بالرياض
شركة تنظيف وصيانة مكيفات بالرياض
شركة تنظيف مجالس بالرياض
شركة تنظيف موكيت بالرياض

dalia abdallah يقول...


سواء كنت بحاجة إلى فك وتجميع أثاث جديد أو أثاث موجود ، فلدينا جميع الأدوات المناسبة لهذه المهمة.
يتمتع فريق الخبراء لدينا بالخبرة للتعامل مع أي نوع من الأثاث بأكثر الطرق أمانًا.
يمكننا تفكيك أثاثك ونقله إلى وجهة جديدة ثم إعادة تجميعه في منزله الجديد، لا توجد أجزاء مفقودة ، ولا تلف ، ولا ضياع للوقت.
تفكيك الأثاث إلى أجزاء مسطحة يتيح نقله بأسرع الطرق وأكثرها فعالية، مما يقلل بشكل كبير من تكلفة النقل.
يمكننا نقل أثاثك من أصغر شقة أو أكبر منزل سكني، من مكتب صغير أو مبنى تجاري كبير، نحن متخصصون في التحركات الحاسمة في الوقت والفعالة من حيث التكلفة.


شركات نقل عفش بخميس مشيط

شركة نقل اثاث بخميس مشيط

شركة نقل عفش بابها

شركة نقل اثاث بابها

Unknown يقول...

useful site view look at here now review useful link best replica bags

slesed يقول...

b4q05q7b77 l4x15z0u36 f8r47f0g94 b2y26u3b05 m7g21z8c42 r1q72w6g50