الخميس، 19 مارس 2009

تلك اللحظة



رغم أني الآن أتألم كثيرا إلا أنني أصررت أن أسجل مشاعري هذه لتكون صادقة و نابعة من القلب ..حتي لا يجور عليها الزمن و تفقد دفئها ...و نارها المتقدة في قلبي تنطفئ ..و جروحي الملتهبة تتداوي
إنها تلك اللحظة التي تفقد فيها الثقة نهائيا فيمن كنت تعتبره في الماضي صديقا مخلصا ..اللحظة التي تنكشف فيها الحقائق لتظهر واضحة المعالم أمام عينيك لتكاد تعميها ..أو ربما تتمني فقدان هذه الحاسة ...حتي لا تري بعينك ما لم تكن تتوقع
حتي أني لا أعرف لتلك اللحظة اسما بعينه ..و لا أستطيع أن أصفها لكم
كيف هي ...كيف حالك حينها ...ما أثرها فيك مهما مر عيك من أعوام
ربي
كيف منها هذا الفعل يكون ؟!!
كيف ينقلب حال الإنسان من لحظة و ضحاها ..كيف تتلون الطبائع و تتشكل أمام عيني بهذه البساطة ..إنها من كانت لي محبة ...من كانت علي غيورة ..من كنت أسعد بلقاها ...و أنتظر يوم ملقاها ..من كانت لي كالمرآة ...أري نفسي فيها فأسعد بها من كنت أحب لحظاتي معها
إنها هي نفس الشخص ...نفس الروح ....نفس الجسد
الذي أكتئب حين أراه و أتذكر ما يحزنني
الذي تمر علي اللحظات معه ثقيلة كالحجارة بل هي أشد ثقلا
الذي يراني في مرضي فلا يبالي يراني في حزني فلا يتأثر
يراني في وحدتي فلا يشارك يراني في غربتس فلا يآنس
ربي
أهذا أمر طبيعي في الحياة ..أن تتشكل الناس أمامي و تتغير بهذه الصورة التي لا تسر
أم أن هذا أمر يستحق صدمتي عليه
ربي
دائما ما كانت تصف نفسها بالحال المتقلبة
لكن أعلي أنا تتقلب ..كم كنت أحسب نفسي عليها عزيزة غالية
و لكني فوجئت أنها لا تعرف العزيز الغالي
لقد باعتني و تركتني وحيدة أمام أول فرصة بديلة أمامها
حينها أدركت أن هذه هي اللحظة التي أنكشفت فيها الغمامة من علي عيني
و أدركت كم كنت ساذجة في حبها
إنها هي اللحظة ......لحظة الوداع
وداعا بلا عودة يا من كنت يوما أحب
سلمي

هناك 53 تعليقًا:

Special Designer يقول...

سلام عليكم

مش عايز أقولك ان دي بقت طبيعة في أعز الأصدقاء .. يارب متكونش بقت طبيعة

على فكرة البوست ده أبكاني .. أنا مريت بنفس المشاعر
وكنت بسأل نفسي كل الأسئلة دي
ونفس حرقة القلب وتقريبا أزيد وأزيد

يارب تكوني دلوقتي بخير
ويارب يجعل حياتك كلها لله

تقبلي مروري
Special Designer

حياتي كلها لله يقول...

السلام عليكم
..............................
" على فكرة البوست ده أبكاني "
............................

للدرجة ده ...ربنا يجعله في ميزان حسناتنا
مهو الحياة تجارب برده و اللي يعيش ياما يشوف
بس المهم نستفيد من اللي قابلناه و أثر فينا في حياتنا
.....................

ويارب يجعل حياتك كلها لله

...................

آمين يارب

سعيده بمشاركة حضرتك

تحياتي
سلمي

mohamed ghalia يقول...

أحيانا بنفقد ناس وبنسيب ناس
ولكن دائما ما تستمر الحياة
دمتى بكل الود
دمتى فى سعادة

Hosam Yahia حسام يحيى يقول...

ياالله

بوست مؤثر للغايه
:(

حفظى الله واسعدكى وازال همومك

رؤية يقول...

عزيزتى....
ان انتظارنا من الاخر الكثير مشكلتنا نحن لا مشكلتهم هم....
وذلك يعطيكى معنى ودرس تتعلمينه...
لا يوجد شىء مطلق فى هذا الكون... فالله هو المطلق بالحسن... ولتعلمى انه مهما احبك الغير فلن يبلغ محبة الله لك وسياتى يوما تتقلب القلوب...

ما انصحك به الا تتاثرى كثيرا وحاولى ان تتعاملى مع الموضوع ولا تتوقفى عنده، واعلمى ان رد الاساءة بالحسن له عظيم التاثير... ويوما ما ستدور الايام ... ويحمد لك الصنيع...

عزيزتى....
لا تنتظرى شىء من احد حتى لحظة المحبة... وكونى دوما مصدر للعطاء، فالمقابل يمنحه الله لك ومنحة الله خير من كل المنح

ورب منحة فى طية المحنة، ومخنة فى طى المنحة....

تحياتى لك

mahasen saber يقول...

طبيعة البشر فيهم المخلص والغير والاخلاص المطلق مش موجود الا عند الكلاب للاسف

ربنا يعوض عليكى بصديقه افضل

promise is promise يقول...

السلام عليكم
مش عارفه اقولك ايه
بس فعلا احساس صعب على الواحد انه يلاقى اقرب ناس ليه بتتغير عليه
وبدون اسباب او مبررات

ربنا يتولانا برحمته
تقبلى مرورى والسلام ختام

dr_samarmar يقول...
أزال المؤلف هذا التعليق.
جنّي يقول...

السلام عليكم

كان الله في عونك .. كثرت هذه الايام مثل تلك النوعيات ولكن لا تأس عليهم ..

واذا كان هناك صديق فرط في صداقته واخلاصه .. فهناك آخرون - أو سيأتون -أكثر اخلاصا وأخوة ..

تفائلي خيرا

Beram ElMasry يقول...

السلام عليكم ورحمة الله وبركاته
عزيزتى الغالية ،انت ام اليوم او غدا ، فكل عام وانت بخير فى عيد الام ، وان كنت تتمنين لطفلك ان يحيا امنا فلقنيه ان الاسرائيلى شر كله ، فلا يامنه برهة ، ولا يسالمه مدى الحياة

يهودى يعنى حنش احسن دوا تقطعوا راسه
كلام نقوله لنسلنا نطبعوا فى كتابه وكراسه
لك تحياتى والسلام عليكم ، ولا سلام مع اليهود
بيرم المصرى

سلمى يقول...

بصى بقى يا ستى اولا اسمك ده جوه عينى مش عشان هو اسمى بس عشان واضح انك عسوله خالص
ثانيا انا برضه اكتشفت اللى انتى اكتشفتيه بس مش بلظبط
اكتشفت ان مفيش حاجه اسمها صداقه بجد
واكتشفت انى لو وقعت مش حلاقى اللى يسندنى وان لو حصلى حاجه مش حلاقى حد جنبى عشان كده حاولى تعملى زى انا بدات اساعد نفسى بنفسى واقوى نفسى واثق فيها عشان محتجش لحد عشان محدش حينفعنى انتى اكتشفتى صحابك لكن انا اكتشفت اصحابى واخواتى كمان فالحمدلله
ربنا يعينك
اسفه لانى طولت عليكى
تقبلى مرورى

غير معرف يقول...

السلام عليكم

ربنا يعينك يا دكتورة

:(

بجد موقف محزن جداااااااااااااااااا


طيب انا معايا اخ كل ساعة بحال...
وكل شوية يخنق عليا ...بس ما اقدرش استغنى عنه..

مش عارف هاقول حاة
راجعى نفسك كده..وراجعى الموقف كله ..واستهدى بالله ..وانظرى مين بجد غلطانن ..مش يمكن يكون ليها عذر...لو بجد هى اللى كانت كده ..فى راييلازم تفضل كده وتستمر كده....هو احنا بنلاقى الناس اللى بنحبهم ونستريح ليهم كل يوم...

ده رايي

لو هى لا تستحق بقى وفعلا الجرح اللى جرحته لحضرتك شديد اوى لا يعالج ..يبقى لعله خير

اعانكم الله على ما ألم بكم"وعسى ان تكرهوا شيئا ..."

فى امان الله

عمرو جويلى يقول...

دكتورة سلمى
السلام عليكم
واضح من البوست إن حضرتك عاطفية جدا وواضح من خلال قرائتى للتعليقات أن المشكلة مع الدكتورة سمرمر .
المسامح كريم يا دكتورة وربنا يخليكم لبعض
دمت بكل الخير

حياتي كلها لله يقول...

السلام عليكم

أكيد الحياة حتستمر .....بس بعد متركت في بصمة مكنتش أتمني تكون موجودة

حياتي كلها لله يقول...

السلام عليكم
حسام يحي
أول زيارة لحضرتك سعيدة جدا بها
جزاك الله خيرا

حياتي كلها لله يقول...

السلام عليكم
رؤية
دائما تبهرينني برأيك ...
بجد أحلي كلام ممكن يتقال في موقف زي ده
إن شاء الله حتخده مبدأ في حياتي

جزاك الله خيرا يا قمر

تحياتي
سلمي

حياتي كلها لله يقول...

السلام عليكم

محاسن صابر بذات نفسها عندنا

ربنا يكرمك يارب و متتأخريش علينا كده تاني

سعيدة جدا بزيارة حضرتك
تحياتي
سلمي

حياتي كلها لله يقول...

السلام عليكم
promis is promis

فعلا إحساس صعب جدا
أدعولي يا جماعة
بس خير إن شاء الله

منورة يا قمر

حياتي كلها لله يقول...
أزال المؤلف هذا التعليق.
حياتي كلها لله يقول...

السلام عليكم

جني
إن شا ءالله سأتفائل خيرا

شكرا للمشاركة المعنوية

تحيايت
سلمي

حياتي كلها لله يقول...

السلام عليكم

أ/بيرم المصري

مبسوطة جدا بكلام حضرتك
أكيد لا سلام مع اليهود
أنا مطلعة الموضوع ده في دماغ أخويا الصغير جامدة جدا ...إن شاء الله يحرر الأقصي
أدعوله بس

تحياتي
سلمي

حياتي كلها لله يقول...

السلام عليكم

طولتي إيه بس يا قمر ده أنت صاحبة مكان مش كفاية أسمك سلمي

جميل جدا أنك تثقي في نفسك و تنمي مهاراتها
بس مش جميل أنك تفقدي الثقة في أخواتك
أكيد في سوء تفاهم

و صدقيني مفيش أجمل من مشاعر الأخوات لبعض
خدي الكلام مني حكمة يا بنتي
أنا أصلي الأخت الكبري

تحياتي
يا قمر و أبقي طمنيني عليكي و مش عايزة أسمع كلان كده تاني منك ,......إلا الأخوات

تحياتي
سلمي

حياتي كلها لله يقول...

السلام عليكم

جمعاوي

أنا فعلا براجع نفسي ...بس المشكلة إني مش قادرة أفتكر المشكلة مني فين بالظبط

عموما اللي فيه الخير يقدمه ربنا

و فعلا عسي أن تكرهوا شيئا و هو خيرلا لكم

حياتي كلها لله يقول...

السلام عليكم

اللؤلؤة

متشكرة جدا لأول زيارة ليكي و سعيدة جدا بها
انا كنت بتكلم عن شعور الصداقة في المطلق

وفعلا المسامح كريم

منتظراك دائما
سلمي

حسن حنفى يقول...

انا كان حصل ليا موقف مشابه فعلا بيكون تأثيره قاتل بس راجعي نفسك والموقف من جديد يمكن مش كانت تقصد او الموقف قدرتيه غلط ولو صح الحياه مش بتتوقف علي حد هتكملي حياتك وهتلاقي ان شاء الله الصديقه الصالحه اللي مش تتخلي عنك ابدا

صمت المشاعر يقول...

حاليا بقي عادي اوووي الكلام اللي قلتيه

واغلب الناس مروا بكدا

بس مش معني كدا اننا نفقد الثقه في اي حد زي ما في الحلو في الوحش

فربنا يارب يزيح عنك الهم والحزن ويجعل حياتك كلها فرح وهناء

دمتي بكل سعاده اختي الكريمه

خالد احمد محمود يقول...

حياتى كلها لله
ــــــــــــــــ

أحترامى

Soul.o0o.Whisper يقول...
أزال المؤلف هذا التعليق.
Soul.o0o.Whisper يقول...

سلمى انا ىسفة إنى حذقت تعليقى

لأنى علقت قبل ما أشوف التعليقات و أقرأها


يارب تكونوا الوقتى بخير و بأفضل حال

و تتعلموا من الموقف
و تتمسكوا ببعض أكتر

لأن سمورة كمان أعتقد كانت زعلانة اوى ساعتها ..


يارب مش يفرق بين اتنين اصحاب أبدا
بس أوصيكم خلى حبكم فى الله أشد و اقوى
عشان مفيش حاجة تفرق بينكم بعد كدا





تحياتى يا جميل

حياتي كلها لله يقول...

السلام عليكم

حسن حنفي

بجد متشكرة ليك جدا ...دايما بتكون موجود ..مع إني مقصرة جدااااااااا في حقك ..


أدعيلي إن شاء الله اللي فيه الخير يكون

تحياتي
سلمي

حياتي كلها لله يقول...

السلام عليكم
صمت المشاعر

................................
فربنا يارب يزيح عنك الهم والحزن ويجعل حياتك كلها فرح وهناء

.........................

آمين يارب
جزاك الله خيرا

حياتي كلها لله يقول...

السلام عليكم

خالد خالد

جزاك الله خيرا

منورني و الله حضرتك
أنا كان نفسي أشكر حضرتك علي اللي عملته مع يسر فعلا شجعها كتير

حياتي كلها لله يقول...

السلام عليكم
سوول
إزيك يا قملر
وحشاني كتير

..........
و تتعلموا من الموقف
و تتمسكوا ببعض أكتر

بس أوصيكم خلى حبكم فى الله أشد و اقوى
عشان مفيش حاجة تفرق بينكم بعد كدا
.....................
دايما يطلع منك أحلي كلام يا قمر
ربنا يباركلك يارب

حياتي كلها لله يقول...

السلام عليكم

كريم مصطفي السيد

معاكم إن شاءالله
بس إيه المطلوب مني بالظبط

تحياتي
سلمي

إشراقة أون لاين يقول...

دائما دكتورة سلمى مايحتاج المرء ليفضى مشاعره إن لم يكن امام أقرب الناس إليه فلينثرها فى الهواء نثرا حتى لا يتآكل جسده
أحاسيس صادقة بوركتى سلمى
أخوكى محمد مازلت عند وعدى بكيفية وضع انشودة فى المدونة
أدعوكى حضور حفلة نجاحى وياريت لو فى هوت ميل لشرح كيفية وضع انشودة يبقى جزاكى الله خيرا
سلام.. منتظرك

د/على خميس يقول...

السلام عليكم و رحمة الله و بركاته
أختى و زميلة المهنة مستقبلا إن شاء الله..
طبعا هذا محزن جدا و لكن انظرى دائما إلى الأمام فسوف يبدلك الله من هى خير ..

ذئابٌ كُثُرٌ و حملانٌ وديعة
معادلةٌ لدنيانا الوضيعة
وفاءٌ غائبٌ عهدٌ مدنسْ
كلامٌ فى سبيل الدنيا بيعَ

لا أذكر باقى القصيدة..ههههه على العموم ممكن أنزلها قريبا فى مدونتى..

دمتى بخير و إلى الأمام فى سبيل الله

قلم رصاص يقول...

السلام عليكم ورحمة الله وبركاته

الحياة مليئة بالمفاجآت

تلك طبيعتها

القوي منا من يتفادى صدماتها بقربه من الله والتمسك بديننا الحنيف وسنة أستاذنا ومعلمنا وقدوتنا محمد بن عبدالله عليه الصلاة وأزكى السلام

مؤكد اختي الكريمة ستستفيدين مما حدث هذا معكي وان شاء الله يكون خير

تقبلي مروري

محاولة لكسر الصمت يقول...

عزيزتي, قد تكون الحقيقة مؤلمة لكنها الحقيقة, ولأنها كذلك فلا نستطيع تجاهلها, ربما من الطبيعي أن نتألم, لكن دوام الأم يقتل..
هي اتخذت قرارها, فلتفعلي أنت أيضا ولتكوني أكثر قوة....
تحياتي.....

مـجـنـووون يقول...

مش هقد ااقولك غير الي قاله سيدنا عمر لواحد كان جاي يخطب واحده لواحد

ساله سيدنا عمر ثلاث اسئلة وضحت يعني ايه تقول ده صديقي

هل أكلة معه
قال لا
هل سافرت معه
قال لا
قال هل تعاملت معه بالدينار والدرهم
قال لا

قال سيدنا عمر إذا فأنت لا تعرفه

وبعدين يا ريت متتسرعيش في الحكم عليها وحولي تتكلمي معاها وتستوضحي منها وتشوفي هي عملت كده ليه يمكن يكون عنها سبب وجيه

ومدام هي تعز عليكي قوي حولي تلتمسي ليها عذر

ملحوظة : انا مفتقدك بين سطوري
تقبلي مروري سيدتي
مجنووون

حياتي كلها لله يقول...

السلام عليكم
إشراقة أون لاين
جزاك الله خيرا علي المشاركة الوجدانية
..................................

مايحتاج المرء ليفضى مشاعره إن لم يكن امام أقرب الناس إليه فلينثرها فى الهواء نثرا حتى لا يتآكل جسده
................................
جميل قوي المعني ده ...جزاك الله خيرا

..............هوت ميل لشرح كيفية وضع انشودة يبقى جزاكى الله خيرا
..............

أكيد حضرتك بتهزر ....
الموضوع مش مستحق
عموما جزاك الله خيرا ..للإهتمام
تحياتي
سلمي

حياتي كلها لله يقول...

السلام عليكم

د/علي خميس

جميلة قوي القصيدة بجد ...أول مرة أسمعها ...بس كلامها أثر في جدااااااااا

ياريت حضرتك تنزلها في المدونة ...سأنتظرها

تحياتي
سلمي

حياتي كلها لله يقول...

السلام عليكم
قلم رصاص

......................
القوي منا من يتفادى صدماتها بقربه من الله والتمسك بديننا الحنيف وسنة أستاذنا ومعلمنا وقدوتنا محمد بن عبدالله عليه الصلاة وأزكى السلام
.............................
كلمات رائعة .بجد ..جزاك الله خيرا
أتمني أن أكون كهذا القوي
و الله بحاول ..بس الله المستعان

..........مؤكد اختي الكريمة ستستفيدين مما حدث هذا معكي وان شاء الله يكون خير

................

أنا فعلا أستفدت منه كتير
بس المشكلة بقي إني حاسة ..أنه ضيع حاجات حلوة كانت جوايا
يعني أبسط شئ خلي ثقتي بالناس تتزعزع

تحياتي
سلمي

حياتي كلها لله يقول...

السلام عليكم
محاولة لكسر الصمت
....................
هي اتخذت قرارها, فلتفعلي أنت أيضا ولتكوني أكثر قوة....
.......................

مشكلتي إني مش بعرف أعامل الناس بطريقتهم ...
بأعاملهم بأسلوبي أنا و أحتسب ذلك عند الله

أخبار عمدة البلد !؟؟؟؟

تحياتي
سلمي

حياتي كلها لله يقول...

السلام عليكم
مجنوووووون

القصة رائعة ...أول مرة أسمعها
بس فعلا لخصت الموضوع
فعلا معاشرتوش يبقي متعرفوش
.......................
ومدام هي تعز عليكي قوي حولي تلتمسي ليها عذر
..........................
و الله بحاول علي قد مقدر أني ألتمسلها سبعين عذر كمان

الله المستعان

تحاتي
سلمي

اسماء واحلام فى وجدانى يقول...

ربما عينك الطيبة هى ما ترى كل شىء

طيب

فمن تسبب فى تلك اللحظة هو بطبيعته

كذلك ولكن عينك هى من اخطات فى التقدير

من حسن ظنك بالاخرين ممكن

من التعامل بتلاقئية ممكن

ولكن بكل اسف يجب ان تستمر الحياة

بكل قسوة قد نجدها منها

احمد

Ashraf shehata - صحفي مصري يقول...

يا يسر احييكي واحيي اختك سلمي على هذه الفكرة ، وتابعي تقرير عن فكرتك انتى واختك في جريدة النهار في عددها الصادر الاربعاء المقبل (29 ابريل 2009)
تحياتي
اشرف شحاتة صحفي بجريدة النهار
صاحب مدونة الوسط الصحفي العربي
0103760796
فى انتظار مكالمتك او ارسال رقم تليفونك على الايميل الخاص بي الموجود على المدونة لاتصال بك لمعرفة بعض التفاصيل الاخريى

ندا يقول...

احساسك صادق قوى يا سلمى
اسلوبك رائع
تقبلى مرورى

حياتي كلها لله يقول...

السلام عليكم
أسماء و أحلام في وجداني

فعلا أكيد التصرفات الغريبة بتكون نابعة من حد طبيعته كده
بس انا بجد و الله مبخدش موقف نهائيا ..من تصرف واحد أنا بدي فرص كتيييييييييير جدا علشان مظلمش حد

بس مبحبش برده اخسر حد ..يعني علي الأقل لو حخسره كصديق ممكن أكسبه كزميل

تحياتي
سلمي

حياتي كلها لله يقول...

السلام عليكم أ/أشرف شحاته

جزاك الله خيرا فعلا علي الثقة ده
و مش قادرة أوصف لحضرتك أد إيه الموضوع ده فرق مع يسر كتيييييير و أداها دفعة للأمام
و أسفعة فعلا علي عدم الإتصال أو التواصل
بس لظرف أمتحاناتي اليومين دول مشفتش كومنت حضرتك غير يوم الثلاثاء بالليل
فقلت خلاص فات الأوان

انا حتي تخيلت أن حضرتك مش حتنشر المقال ..و أتفاجئت فعلا بيهااااااااا

thank you

حياتي كلها لله يقول...

السلام عليكم
ندا
ميرسي يا قمر علي الكلام الجميل ده
و سعيدة بزيارتك جدا
تحياتي
سلمي

فجر يقول...

إنت أكيد عارفة رأيي في البوست دة من غير ما أكتبه يا سلمى
بجد دي من الحاجات إللي بتأثر في الواحد جدا
أنا شايفة إن الصراحة أقصر الطرق وأسهلها
يعني أنا أقول لصحبتي أنا زعلت منك في كذا وكذا ونتناقش وصوتنا يعلا ونتخانق وبعدين نعتذر لبعض ونرجع تاني كإن مافيش حاجة حصلت وإللي زعلني أو إللي زعل صحبتي مني نتفق إنه مايتكررش وخلاص أحسن ما حاجة تزعلني فأعاملها وحش من تحت وألف وأدور وأحاول أردهالها وأتجاهلها كإني مش بعمل حاجة تزعل دة أسلوب ملتوي مش في ديننا ولا دي طريقة يحبها ربنا لإني كدة حنام وفي قلبي غل لحد وبطريقة معاملتي معاها هي كمان حخليها في قلبها زعل مني غصب عنها وكدة حشيل ذنبها برده.
وبعدين الموضوع مش إن لو حد بيحب حد مش حيعمل فيه كدة لأ الموضوع إن لو الإنسان دة كويس مش حيعمل كدة أصلا

فجر يقول...

وعايزة أضيف حاجة كمان
إن ال‘خلاص موجود والصحاب الكويسين موجودييييين جدا وبكثرة
لكن المشكلة في اختيارنا وفي ملاحظتنا للشخص إللي إحنا مصاحبينه دة حنعرف طباعه مع الناس التانية
الشخص الكويس مايبنش لما تكون الأمور صافية الشخص الكويس يبان وقت ما يكون في شدة وضيق أعصاب هل هو من النوع إللي لما يزعل يبيع خالص ويقول حاجات ميصحش يقولها أو يعمل حاجات ماكنتش من أخلاقياته وهو مش متضايق أو يفشي سر ...كدة يعني
زي ما الرسول قال :"وإذا خاصم فجر"

حياتي كلها لله يقول...

السلام عليكم

ميوية
عندك حق بجد في كل كلمة قولتيها
و أكتر حاجة عجبتني

الشخص الكويس مايبنش لما تكون الأمور صافية الشخص الكويس يبان وقت ما يكون في شدة وضيق أعصاب

أنا فعلا لازم أبقي آخد بالي من النقطة ده و معتبرش أي حد صاحبي غير لما يعدي علينا وقت شدة و ضيق

علشان مرجعش أتصدم في حد بالصورة ده