الأربعاء، 11 فبراير، 2009

Get Your Mam Or Dad "البيرقراطية وصلت للشبكة العنكبوتية "


TOTY WORLD
لا أستطيع أن أصف لكم شعوري عندما كنت أنشئ مدونة عالم توتي
http://www.totyworld.blogspot.com/
و هي مدونة لأختي الصغيرة يسر
فعلا إنه إحساس لا يوصف ..فهي ابنتي الصغيرة ..أتذكرها و هي طفلة ..و أتذكر طرائفها .فياللله سبحانك ..إذ فجأة و جدتها كبيرة أمام عيني .وبل و المضحك أنها تطلب مني إنشاء مدونة لها
و لكن لكم أن تتخيلوا سعادتي بها في هذا الموقف
ثم تبدأ رحلة من الضحك المتصل ..أثناء إنشائها
ففي البداية أثناء إنشاء إيميل لها ..بعد أن ملأت كافة البيانات الحقيقية و قبل إتمام إنشائها أجد رسالة تحذير بعنوان
Get Your Mam Or Dad

في تطلب إحضار الأب أو الأم لإطلاعهم علي محتوي هذه الرسالة و التي تنص علي عدم إمكانية إبنتكم إنشاء حساب لها لصغر سنها فيجب أن يتجاوز عمرها 18 عاما و إن أردت إنشاء حساب لها يجب أن يكون تابع لحساب الأب أو الأم و قصة كبيرة كده لم أستطع تمالك نفسي من الضحك عندما قرأت هذه الرسالة و كذلك أثناء إنشاء حساب لها علي بلوجر رفض أيضا لأن سنها 11 عاما و أقل سن مسموح له إنشاء مدونة هو 13 عاما فعلا حاجة غريبة جدااااا
يعني لو مكنتش أنا اللي بنشئ لها الحساب سواء الميل أو البلوجر ..مكنتش حتعرف يعني تعمله لنفسها لوجود هذه العقبه ..أكيد مكنتش حتغلب و كانت حتكتب سن مش سنها علشان تقدر تعملها أكاونت. أكيد الطفل مكنش حيغلب يعني كان حيتصرف و يمشي حاله
طب و هما أستفاده أيه يعني في النهاية بجد نفسي أعرف هل كده هما حموهم من أضرار النت يعني لأ ن سنهم صغيرطيب مهم بيدخلوا عليه عااااادي جدا من غير موضوع السن ده أيه بقي المشكلة في موضوع الميل أو البلوج

أنا متهيألي أن الحاجة الوحيدة اللي أستفادوها هما أنهم علموا الطفل الغش و الكذب و التحايل ..
لأنه مقدرش يحقق هدفه إلا بعد مكذب و غش و تحايل
يبقي بقي حيكون تفكيرة أن أكيد الصفات ده حاجة حلوة طالما هي بتوصله لهدفه و طبعا الموضوع ده حيرسخ في ذهنة مفاهيم خاطئة في وقت تكون شخصيته أنا مقتعة أنه لازم يكون في رقابة مشددة علي الطفل أثناء جلوسة علي النت بس مش هو ده اللي حيعمل رقابة للطفل الي و صل للمرحلة ده في التعامل مع النت الرقابة تكون من البيت ومن الأهل ...
ده بيروقراطية ..معقول الروتين و البيروقراطية و صل للشبكة العنكبوتية
فعلا حاجة غريبة و لكني سعيدة جدااااااااااا بتوتي
ربما ستكون أصغر مدونة فابلتها حتي الأن و لكني في قمة الشوق لأعرف ماذا ستكتب فلا أستطيع تصور حدود عقلها أو القضايا التي تشغل فكرها
فعلا لا أستطيع رسم صورة لها في ذهني غير أنها ابنتي الصغيرة التي تفاجئني دائما

مبروك توتي http://www.totyworld.blogspot.com/
تحياتي
سلمي

هناك 43 تعليقًا:

mohamed ghalia يقول...

إن شاء الله تكون شمعة أمل فى عالم التدوين
مش عايزك أكبرك واقول زى أمها
بس أكيد زى اختها
دمتى بكل الود
فى حفظ الله

بنوتة يقول...

السلام عليكم
أنا فعلا دخلت مدونتها وعجبنى كلامها جدا
وفعلا استغربت لسنها وقولتلها انى انبسط من اسمها عشان ده اسم أختى وانتى عارفة قد ايه هو نادر
مبروك ليها ودى أول زيارة لمدونتك وان شاء الله تتكرر
تحياتى ليكى

انا ودماغي يقول...

مبرووووووك يا توتى و إن شاء الله تبقى مدونة زى العسل






حروح أشوفها دلوقتى إن شاء الله

mido يقول...

مبروك للبنوتة على المدونة

الفكرة أنهم فى الغرب بيعتمدوا على التصنيف العمرى فى المواضيع دى بالذات ( الفلام و المواقع ...الخ )

فأنا رأيى ان ده الصح و أنهم عودوا أطفالهم و رسخوا فيهم الثقافة دى على عكس الموجود هنا

-----

انت فين فى الاجازة مكتبتيش ليه ؟

mido يقول...

اه صحيح انت كاتبة انك 19 سنة من ساعة مفتحتى مدونة :))

جنّي يقول...

السلام عليكم

ازيك يا دكتورة حمدا لله على السلامة.. الغيبة طولت المرة دي ..

ومبروك لتوتي

في الغرب ينفذون قوانين فقط ولكن الواقع لا يعنيهم بشئ ..

المهم حالا ازورها ان شاء الله

أحمد سعيد بسيوني يقول...

موضوعها الاول -الفول بيقول- جميل

بانتظار جديدها دائما

dr_samarmar يقول...

هههههههههههههه

مبروووووووك يا يسر يا قمر و عايزاكى تغلبى البت سلمى دى ف كتابتم

و اوعى تتعلمى الغش و لا حاجة .. بس اتعلمى البكش زيها :D

كدا تتفقى معايا تدخلى ع الميل و أستناكى ساعتين يا سلمى :$

عموما مبروك ليسر.. و أنا هتابعها و مش هتابعك يا وحشة :)

حسن حنفى يقول...

مبروك وان شاء الله تفضل منوره عالم التدوين علي طول

promise is promise يقول...

مبرووووووووووووووك ياقمر
اسم المدونه تحفه واكيد هتكون حلوه خااااااالص
انا هعملك دعايه ليهااااا
وياريت نكون اصحاب
وتتفضلى بزياره مدونتى عالمى الخاص
انا مش قادره اوصفلك فرحتى باختك وكانها اختى بالظبط
مبروك مره تانيه

promise is promise يقول...

سلمى انا عملت توبيك مخصوص لليسر
لانها بجد تستاهل
لازم تشوفيه
يالا سلالالالالام

حياتي كلها لله يقول...

السلام عليكم
جزاك الله خيرا ...يارب تكون شمعة أمل
(: شكرا لتشجيعك ليسر

تحياتي
سلمي

حياتي كلها لله يقول...

السلام عليكم
بنوته
منوراني يا جميل قوي و سعيدة جدا بالزيارة ده و متحرميناش منها بقي
فعلا اسم يسر نادر جدا كل محد يعرف أن أختي أسمها يسر يقعد يقولي يسري هي ولد وخدي من ده كتير

بس للأسف ده مش تأليفها

تحياتي
سلمي

حياتي كلها لله يقول...

السلام عليكم
أنا و دماغي
معقول زيارتين من القمر ده لي مرتين ورا بعض بعد طول أنتظار أنا كده حتحسد ..

منوراني
تحياتي
سلمي

حياتي كلها لله يقول...

السلام عليكم
ميدو
شكرا بجد علي كل اللي عملته ليسر أنا شفت البوست و هو فعلا بوست هايل و هي فرحت بيه جدا ...بجد جزاك الله خيرا علي الإهتمام العظيم ده


أيوه أنا معاك أن ده صح بس في حالة الأفلام و البرامج فقط لكن النت متاح للجميع من غير سن إشمعنا بقي اليلوج و الميل ؟؟؟

تحياتي
سلمي

أه معلش كنت مشغولة شوية في الأجازة بعوض كبت الدراسة (:

حياتي كلها لله يقول...

السلام عليكم
جني
سعيدة جدا بالزيارة ..
فعلا معلش و الله أنا مش عارفة أهتم بالبلوج خاااالص بس أستحملوني ..(:


تحياتي
سلمي

حياتي كلها لله يقول...

السلام عليكم
أحمد سعيد
جزاك الله خيرا إن شاء الله اللي جاي يكون أحسن

تحياتي
سلمي

حياتي كلها لله يقول...

السلام عليكم

سمورة
مش حتبعيني يا وحشة
بقي أنا بكاشة يا مفترية

معلش والله أنا مش فاكرة إيه اللي حصل ساعتها بس أكيد ميمنعنيش عنك غير الشديد القوي يا قمر

تحياتي
سلاموكا

حياتي كلها لله يقول...

السلام عليكم
حسن حنفي
اللله يبارك فيك
منور بصحابة و بوجودك منهم
تحياتي
سلمي

حياتي كلها لله يقول...

السلام عليكم
promis is promis
منوراني ييا قمر

مش قادرة أوصفلك أنا فرحانة بيكي و بالبوست بتاعك قد إيه فعلا جزاك الله خيرا

منوراني
تحياتي
سلمي

إيمان بنت الحرية يقول...

الف مبروك لتوتى
وبجد يا اخت سلمى مدونتك
عجبتنى جدا
واقعدت اقلب فيها واقرا المواضيع القديمة
وعجبتنى جدا
جزاكى الله خير
وجعلها االله فى ميزان حسناتك

Soul.o0o.Whisper يقول...

لومىىىىىىىىىى

أنا جييييييييييييت



أولا يا سلمى أعتقد فى الغرب ، من صغرهم رغم الصورة المرسومة عندنا عنهم و انهم منفتحين

لكن عندهم صدق فى النقط دى
يعنى لو فعلا طفل دخل النت و ظهرت له الرسالة دى بيروح فعلا لباباه او مامته يطلب منها ..

و بيكون فى نوع من الرقابة عليهم حتى فى المدارس و كدا
لأنهم فى الاول و الاخر لهم الحرية ، بس بعد موافقة حد كبير

إنما عندنا هنا بيكون فى فرق مستويات خاصة الفكرية رهييييييب بين كل جيل و اللى بعديه

فالولد الصغير عشان ياخد موافقة والده ، يبئا الكدب و الخداع اسهل عنده لان يمكن باباه مايفهمش اصلا اللى هو بيقوله ..


عندهم هناك بيعلموهم الصدق مع النفس ،
و عندنا هنا بتكون حالة من الخداع لاجل التجريب



أما بئا بالنسبة لتوتى

فهلا بيها
و نورت بلوجر كله

و هأروح أزرها أهو







سلام يا قمر

SemSem يقول...

مليييييييييون مبروك على دخول توتى عالم التدوين

ويارب نشوف عندها كل حاجه جديده وجميلة

تحياتى

إشراقة أون لاين يقول...

سلام عليكم أختى سلمى ....بسم الله ما شاءالله ..مدونة جميلة فى موضوعاتها...
وربنا يعينك ...وع العموم انى استفدت من موضوع البوست إن فعلا هيه الدنيا كده الصغير بيكبر والكبير هايجى يوم ويبقى صغير...كما بدأكم تعودون..أخوكى محمد شعير

حياتي كلها لله يقول...

السلام عليكم
إيمان بنت الحرية

جزاك الله خيرا بجد علي رأيك الجميل ده شهادة أعتز بيها
و نورتيني ...حستناكي علس طول

سلام يا قمر
سلمي

حياتي كلها لله يقول...

السلام عليكم

سوول
نورتيني بجد و حشاني موووت
علي فكرة أنا محدش بيدلعني خااالص فعندي نقص حنان
بجد ياريت تقوليلي علي طول لووومي بفرح قوي بجد

بصي أنا فرحانة بالرقابة بس إشمعنا في البلوج و الميل مهو النت مفتوح من غير رقابة أه يعني ممكن يفرح في البلوج ولا في الميل ..
هو ده بقي اللي تاعبني

توتي كده شكلها حتقطع علي بس معلش هي أخت يبرده

تحياتي
لومي

حياتي كلها لله يقول...

السلام عليكم
سمسم

جزاك الله خيرا
شفت مدونتها
يارب تكون عجبتك
تحياتي
سلمي

حياتي كلها لله يقول...

السلام عليكم
إشراقة أون لاين "محمد"

شكرا جدا علي رأيك في البلوج ..و فعلا كما بدأتم تعودون
بس حضرتك مقلتليش رأيك إيه في موضوع البيروقراطية

أه علي فكرة أنا شفت أسكتش الطفولة عند حضرتك و عجبني بجد فكرني بحفلات المدرسة زماان

تحيايت
سلمي

إشراقة أون لاين يقول...

ازيك يا د.سلمى ..طبعاً سعيد جدا بتواصلك مع إشراقة وطالما طلبت الرأى فى البيروقراطية الموجودة على الشبكة..فأظن إن الموضوع ده معمول من شركة البلوجر لتأسيس المدونات ..."بصراحة مش عارف !!!"
أما طبعاً لطلب د/سلمى .. يسعدنى ذلك ولكن زورى إشراقة عن قريب ستجدينه إن شاء الله..سلام يا دكتورة..أما أروح لتوتى ورلد

محتل منهان "عمدة كفر المظاليم" يقول...

السلام عليكم ورحمة الله وبركاته:
مبروك علينا وعليكم المدونتين (بتاعتك وبتاعت توتي) وربنا يباركاكم فيها ان شاء الله..

إن شاء الله أختك تكبر وتعرف اللي انتي مانتش عارفاه وساعت لما نواجها بالقصة دي ربما تقول في نسيان مصطنع (مش فاكرة)..

مستنيكم تشاركوني ان شاء الله في حملة حجاب الجنة.. فقط أرسل ولو رالة فارغة على ايميل الحملة hijab_eljannah@hotmail.com وانتظر سائلنا لترسلها لمن تعرف..
شكرا جزيلا

جمعاوي صاحب "عيادة أسنان" يقول...

السلام عليكم
تخيلى حضرتك لسه والله شايف الموضوع ده مع انه نازل من زمان جداااااااااا

بجد انا كده مقصر جداااااااااا اسف والله

والمدونة التانية جميلة جدااااااااا وربنا يخلى يسر سارب ويجعل حياتها كلها يسر وسرور

وجزاكم الله كل خير على السؤال رغم تقصيرى الكبير

فى امان الله

جمعاوي صاحب "عيادة أسنان" يقول...

السلام عليكم
برجاء مراجعة الميل
فى امان الله

حياتي كلها لله يقول...

السلام عليكم
إشراقة أون لاين

جزاك الله خيرا علي الإهتمام ...و يارب ألاقيها عن قريب
أنا حاولت كتير أعمل لها داون لود من علي البروفيل بتاع حضرتك بس مبترضاش مش عارفة إيه المشكلة ..

عموما في أنتظارها
تحياتي
سلمي

حياتي كلها لله يقول...

السلام عليكم
محتل منهاتن
جزاك الله خيرا علي رأيك ..

بس حرام بعد كل اللي بعملهولها تستهبل و تعمل نفسها بعدين ناسياه ياريت ميحصلش كدة و شكرني و تعظمني وو كده يعني
إن شاء اله أشارك معكم في حجاب الجنة
تحياتي
سلمي

حياتي كلها لله يقول...
أزال المؤلف هذا التعليق.
حياتي كلها لله يقول...

السلام عليكم
بجد عجبتك مدونة يسر ..طيب الحمد لله
لا تقصير و لا حاجة ..ده حضرتك تنور في أي وقت ...

متأسفة فعلا علي اللي حصل بس بجد مخدتش بالي من الميل خالص
عموما أنا شاركت في المدونة و المنتدي
و يارب الموضوع يكون زي ممتصوراه لإن الفكرة ده فعلا مضايقاني جدا ده أنا حتي كاتبة عنها بوست بس لسه منشرتوش ...
ياريت ألاقي الحل عندكم
و لو إني صعقت من أسماء مدونين قريتها عندكم و هي كانت سبب رئيسي لمشكلتي و علي قمة أنتقاضاتي في عالم البلوج
عموما لعله خير
تحياتي
سلمي

Beram ElMasry يقول...

حياتي كلها لله
السلام عليكم ورحمة الله وبركاته
فى يوم ميلاد المصطفى صلى الله عليه وسلم ادعو الله لى ولك بالخير وجميع اهلك ومن احببتم بالسعادة والسرور
لك تحياتى والسلام عليكم ، ولا سلام مع اليهود

شاعر الاخوان يقول...

جزاكم الله خيرا وننتظر جديدكم

اتحاد مدوني الاخوان يقول...

ننتظر زيارتكم http://ikhwanblogs.blogspot.com/

مدونة ع نوتة ( اخوانجى ) يقول...

بجد مدونة زى العسل انا منشد

إشراقة أون لاين يقول...

ياست الدكتورة سلمى محدش عاد بيسمع عنك حس ولا خبر خير إن شاء الله

غير معرف يقول...

هاى انا افنان جميلة اوى المدونة ياسلمى تحياتى ليكى لتشجيعك على عمل الممدونة ولو سمحتى مكن تكتبيلى الايمال بتاعك اوضحوعايزة كيف اعمل مدونة وانا عندى 9سنين باى وسلميلى على كل العندك و مبروك ليكى وليسر

غير معرف يقول...

هاى انا افنان جميلة اوى المدونة ياسلمى تحياتى ليكى لتشجيعك على عمل الممدونة ولو سمحتى مكن تكتبيلى الايمال بتاعك اوضحوعايزة كيف اعمل مدونة وانا عندى 9سنين باى وسلميلى على كل العندك و مبروك ليكى وليسر